ឯកឧត្តម ឈួន ឆាម ប្រធានស្តីទីក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញដឹកនាំក្រុមសមាជិកព្រឹទ្ធសភាប្រចាំភូមិភាគទី៥(ខេត្តតាកែវ កំពត និងខេត្តកែប) អញ្ជើញចុះពិនិត្យវឌ្ឍនភាព នៃការថែទាំនិងប្រើប្រាស់ស្រះទឹកវត្តទេព្យប្រណម្យ ស្ថិតនៅក្នុងឃុំអង្គប្រាសាទ ស្រុកគិរីវង់ និងស្រះទឹកភូមិថ្នល់បត់ ស្ថិតនៅក្នុងឃុំបានកាម ស្រុកព្រៃកប្បាស ខេត្តតាកែវ នារសៀលថ្ងៃពុធ ៧រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១២ ខែវិច្ឆិកា ឆ្នាំ២០២៥។
សូមជម្រាបផងដែរថា៖ ស្រះទឹកវត្តទេពប្រណម្យមានទំហំបណ្តោយ៤៨ម៉ែត្រ ទទឹង៣៨ម៉ែត្រ និងជម្រៅ៥.៥ម៉ែត្រ និងស្រះទឹកភូមិថ្នល់បត់មានទំហំបណ្តោយ៥០ម៉ែត្រ ទទឹង៣២ម៉ែត្រ និងជម្រៅ៤.៧ម៉ែត្រ៕
ប្រភព៖ នាយកដ្ឋានព័ត៌មាន
