នាវេលាម៉ោង៩:០០នាទីព្រឹក ថ្ងៃសៅរ៍ ទី១៥ ខែវិច្ឆិកា ឆ្នាំ២០២៥ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជេីញសួរសុខទុក្ខកម្មករ ព្រមទាំងដឹកនាំក្រុមការងារផ្នែកបច្ចេកទេសគ្រឿងចក្រមកពិនិត្យសកម្មភាពចាប់ផ្តេីមចាក់ក្រាលថ្មមិច M30 នៅលេីផ្លូវប្រវែង ១,០៤០ម៉ែត្រ ក្នុងភូមិស្វាយដង្គុំ ឃុំស្គុះ ដែលតភ្ជាប់ពីភូមិព្រៃខ្យ៉ា ឃុំសែនដី ស្រុកសំរោងទង ខេត្តកំពង់ស្ពឺ មានប្រវែង ៣,៥០០ម៉ែត្រ។ ការងារចាក់ក្រាលកៅស៊ូ DBST ពីរស្រទាប់នេះគ្រោងរួចរាល់នៅចុងឆ្នាំ២០២៥ខាងមុខនេះ។ ការចាក់ក្រាលកៅស៊ូនេះមិនត្រឹមតែជួយសម្រួលដល់ការធ្វើដំណើរនោះទេ ប៉ុន្តែនឹងជួយជំរុញភ្ញៀវទេសចរទៅកាន់តំបន់កសិទេសចរណ៍ ម៉ុងឫទ្ធី សែនជ័យ ឱ្យកាន់តែច្រើននឹងជួយបង្កើនចំណូល និងលើកកម្ពស់ជីវភាពរស់នៅប្រជាពលរដ្ឋ ដោយផ្ទាល់ផងដែរ។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
