នារសៀលថ្ងៃសុក្រ ១កេីត ខែមិគសិរ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែវិច្ឆិកា ឆ្នាំ២០២៥ វេលាម៉ោង ១៦:០០នាទី ឯកឧត្តមបណ្ឌិត ឈីវ យីស៊ាង នាយកខុទ្ទកាល័យសម្តេចប្រធានព្រឹទ្ធសភា បានដឹកនាំកិច្ចប្រជុំ ដើម្បីធ្វេីបច្ចុប្បន្នភាពនៃការវិវត្តន៍ថ្មីៗសំខាន់ៗជាពិសេសពាក់ព័ន្ធនឹងអត្ថប្រយោជន៍ជាតិ និងអន្ន្តរជាតិរបស់កម្ពុជា និងបូកសរុបលទ្ធផលការងារសំខាន់ៗក្នុងរយៈពេល៣ខែ ព្រមទាំងលើកទិសដៅការងារបន្តរបស់ខុទ្ទកាល័យសម្តេចប្រធានព្រឹទ្ធសភា។ ឆ្លៀតក្នុងឱកាសនេះដែរ ឯកឧត្តមបណ្ឌិត ក៏បានចូលរួមអបអរសាទរចំពោះ ឯកឧត្តម កែវ សុមាលី ត្រូវបានថ្នាក់ដឹកនាំតែងតាំងជានាយករងខុទ្ទកាល័យថ្មី។ កិច្ចប្រជុំនេះក៏មានការចូលរួមពីសំណាក់ ឯកឧត្តម លោកជំទាវ ជាថ្នាក់ដឹកនាំ និងសមាជិក សមាជិកា នៃខុទ្ទកាល័យសម្តេចតេជោ ប្រធានព្រឹទ្ធសភា សរុបចំនួន ២០រូប នៅសាលាភក្តីវិក្រម៥ វិមានព្រឹទ្ធសភា។
ខ្លឹមសារ៖ ខុទ្ទកាល័យសម្តេចប្រធានព្រឹទ្ធសភា
រូបភាព៖ នាយកដ្ឋានព័ត៌មាន
