នៅថ្ងៃសៅរ៍ ៧កើត ខែចេត្រ ឆ្នាំជូត ព.ស២៥៦៤ ត្រូវនឹងថ្ងៃទី ២០ ខែមីនា ឆ្នាំ ២០២១ ឯកឧត្តមកិត្តិនីតិកោសលបណ្ឌិត ស៊ឹម កា ប្រធានស្តីទីព្រឹទ្ធសភា និងលោកជំទាវ បានអញ្ជើញចុះពិនិត្យការកសាងសមិទ្ធផលនានា និងនាំយកព្រះរូបសំណាកសម្តេចព្រះសង្ឃរាជ ជួន ណាត មកកំកល់ទុកនៅវត្តទេពនិមិ្មត ហៅវត្តអញ្ចាញ ដែលស្ថិតនៅឃុំក្របៅ ស្រុកកំចាយមារ ខេត្តព្រៃវែង ។ ក្នុងនោះឯកឧត្តមកិត្តិនីតិកោសលបណ្ឌិត បានជួបសំណេះសំណាលផ្តាំផ្ញើលោកតាលោកយាយ ក្រុមជាងសាងសង និងអ្នកចូលរួមទាំងអស់ ឲ្យយកចិត្តទុកដាក់រក្សាអានាម័យ តាមការណែនាំរបស់ក្រសួងសុខភិបាល បីកុំ បីការពារ ដើម្បីបង្ការ និងទប់ស្តាត់ពីការឆ្លងរីករាលដាលជំងឺកូវីដ១៩ (COVID-19) ផងដែរ ។ជាចុងក្រោយ ឯកឧត្តមកិត្តិនីកោសលបណ្ឌិត បានជូនបច្ច័យមួយចំនួនដល់ព្រះសង្ឃគង់នៅវត្តទេពនិម្មិត ហៅវត្តអញ្ចាញ ។