នារសៀលថ្ងៃចន្ទ ទី១៥ ខែធ្នូ ឆ្នាំ២០២៥ ឯកឧត្តម អ៊ឹង លាងហ៊ួ សមាជិកក្រុមសមាជិកព្រឹទ្ធសភាប្រចាំភូមិភាគទី៧ តំណាងក្រុមសមាជិកព្រឹទ្ធសភាប្រចាំភូមិភាគទី៧ អមដំណើរដោយប្រធានក្រុមប្រឹក្សាស្រុក អភិបាលស្រុក មន្ត្រីសាលាស្រុកកំពង់លែង លោកស្រីមេឃុំកំពង់ហៅ បានអញ្ជើញគោរពវិញ្ញាណក្ខន្ធវីរយុទ្ធជន អនុសេនីយ៍ទោ គង់ ចាន់វាសនា ដែលបានពលីជីវិតនៅលើសមរភូមិប្រយុទ្ធដើម្បីការពារបូរណភាពទឹកដីកម្ពុជា ពីទាហានចោរឈ្លានពានសៀម នៅគេហដ្ឋានសពស្ថិតនៅភូមិកែងតាសុក ឃុំកំពង់ហៅ ស្រុកកំពង់លែង ខេត្តកំពង់ឆ្នាំង និងនាំយកថវិការបស់ក្រុមសមាជិកព្រឹទ្ធសភាប្រចាំភូមិភាគទី៧ ចំនួន១លានរៀល ទៅចូលរួមរំលែកមរណទុក្ខដ៏សែនក្រៀមក្រំក្ដុកក្ដួលបំផុតជាមួយក្រុមគ្រួសារសព និងបួងសួងសូមដួងវិញ្ញាណក្ខន្ធវីរយុទ្ធជន គង់ ចាន់វាសនា បានទៅសោយសុខក្នុងសុខគតិភពដ៏ខ្ពង់ខ្ពស់កុំបីឃ្លៀងឃ្លាតឡើយ។
ប្រភព៖ ការិយាល័យជំនួយការគណៈកម្មការទី៧ព្រឹទ្ធសភា
សម្រួលខ្លឹមសារ៖ នាយកដ្ឋានព័ត៌មាន
