khmer eng
  • ឯកឧត្តម ខៀវ មុត បាន​អញ្ជើញ​ចុះ​សួរ​សុខ​ទុក្ខ និង​យក​អំណោយ​ជូន​ប្រជា​ពលរដ្ឋ​ជាប់​ពាក់​ព័ន្ធ​នឹង​ជំងឺ​ឆ្លង​កូវីដ-១៩
     
    ចែករំលែក ៖

    នាថ្ងៃទី២ ខែមេសា ឆ្នាំ២០២១ ក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ប្រធានក្រុម និងជាអនុប្រធានគណៈកម្មការទី១ព្រឹទ្ធសភា អមដំណើរដោយ ឯកឧត្តម គិន ណែត អនុប្រធានក្រុម, ឯកឧត្តម ទេព យុទ្ធីលេខាធិការក្រុម ឯកឧត្តម លី សារី សមាជិកក្រុមលោកជំទាវ កង សៅរ៍ធន សមាជិកាក្រុម និងឯកឧត្តមអភិបាលខេត្តតាកែវ, ឯកឧត្តមអភិបាលខេត្តកែប និងលោកជំទាវ អភិបាលរងខេត្តកំពត បានអញ្ជើញចុះសួរសុខទុក្ខ និងយកអំណោយជូនប្រជាពលរដ្ឋជាប់ពាក់ព័ន្ធនឹងជំងឺឆ្លងកូវីដ-១៩នៅក្នុងភូមិភាគទី៥ ដែលមានអ្នកធ្វេីចត្តាឡីស័កសរុបចំនួន ៣៤១នាក់ និងអ្នកកំពុង ព្យាបាល ជំងឺចំនួន ៤នាក់ ក្នុងនោះ៖
    -ខេត្តតាកែវ មានមណ្ឌលចត្តាឡីស័កចំនួន ៣កន្លែង សរុបចំនួន ២៤៣នាក់ និងកំពុងសម្រាកព្យាបាលនៅមន្ទីរពេទ្យបង្អែកខេត្តតាកែវ ចំនួន២នាក់។
    -ខេត្តកំពត មានមណ្ឌលចត្តាឡីស័ក ចំនួន១កន្លែង គឺនៅវិទ្យាល័យព្រះរាជសម្ភារ សរុបចំនួន ៤១នាក់។
    -ខេត្តកែប មានមណ្ឌលចត្តាឡីស័កចំនួន ២កន្លែង សរុបចំនួន ៥៧នាក់ និងកំពុងព្យាបាលជំងឺនៅមន្ទីរពេទ្យបង្អែកខេត្ត ចំនួន ២នាក់។

    នាឱកាសនោះឯកឧត្តម បានពាំនាំការផ្តាំផ្ញេីសាកសួរសុខទុក្ខ និងជូនពរពីថ្នាក់ដឹកនាំទាំង៣របស់ព្រឹទ្ធសភា និងដាស់តឿនបងប្អូនឱ្យចូលរួមអនុវត្តយ៉ាងម៉ឺងម៉ាត់បំផុតនូវវិធានការណ៍របស់ក្រសួងសុខាភិបាល និងវិធានការណ៍ ៣ការពារ ៣កុំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា។
    អំណោយរបស់ក្រុមសមាជិកព្រឹទ្ធសភាប្រចាំភូមិភាគទី៥ ត្រូវបាន ផ្តល់ជូនប្រជាពលរដ្ឋជាប់ពាក់ព័ន្ធនឹងជំងឺឆ្លងកូវីដ-១៩ ក្នុងម្នាក់ៗទទួលបាន៖ ទឹកសុទ្ធ០១កេស នំ១យួរ អាល់កុល១ដប ម៉ាស១ដុំ និងថវិកាចំនួន ៤ម៉ឺនរៀល។
    ព្រមទាំងផ្តល់ជូនក្រុមគ្រូពេទ្យប្រចាំការ និងក្រុមកំលាំងសន្តិសុខ សរុបចំនួន១២ក្រុម ក្នុង១ក្រុម ៗទទួលបានមី ២កេស ទឹកសុទ្ធ៣កេស នំ១កេស និងថវិកាចំនួន ១០ម៉ឺនរៀល។ ព្រមជាមួយគ្នានោះ ក៏មានការរួមចំណែកឧបត្ថម្ភពី អគ្គលេខាធិការដ្ឋានព្រឹទ្ធសភា នូវ មី ចំនួន៥០កេស អាល់កុល ៥០លីត្រ និងម៉ាស ៤០ប្រអប់។


    អត្ថបទពាក់ព័ន្ធ
       អត្ថបទថ្មី
    thumbnail
     
    សារលិខិតរំលែកទុក្ខ របស់ ឯកឧត្តមកិត្តិនីតិកោសលបណ្ឌិត ស៊ឹម​ កា ប្រធានស្តីទីព្រឹទ្ធសភា សូមបង្គំទូលថ្វាយ សម្តេចព្រះគណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា
    thumbnail
     
    សារលិខិត របស់ សម្តេចវិបុលសេនាភក្តី សាយ ឈុំ ប្រមុខរដ្ឋស្តីទី នៃព្រះរាជាណាចក្រកម្ពុជា សូមបង្គំទូលថ្វាយ សម្តេចព្រះគណៈសង្ឃនាយក គណៈមហានិកាយ នៃព្រះរាជាណាចក្រកម្ពុជា
    thumbnail
     
    ឯកឧត្តមកិត្តិនីតិកោសលបណ្ឌិត ស៊ឹម កា អញ្ជើញផ្តល់ភ្លើងបូជាសពឯកឧត្តមឧត្តមសេនីយ៍ត្រី ផន ផែង
    thumbnail
     
    ក្រុមសមាជិកព្រឹទ្ធសភា ប្រចាំភូមិភាគទី៦ បានអញ្ជើញចូលរួម ពិធីសែនព្រេនបួងសួងសុំសេចក្ដីសុខ ជូនប្រជាពលរដ្ឋខេត្តព្រៃវែង
    thumbnail
     
    សម្តេចវិបុលសេនាភក្តី សាយ ឈុំ ប្រធានព្រឹទ្ធសភា បានអញ្ជើញចូលរួមថ្វាយព្រះរាជដំណើរព្រះព្រះមហាក្សត្រ និងសម្តេចម៉ែស្តេចយាងទៅកាន់ប្រទេសចិន