នៅសាលប្រជុំសាលាស្រុកបន្ទាយអំពិល នាព្រឹកថ្ងៃទី០៥ ខែឧសភា ឆ្នាំ២០២១ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ និងលោកជំទាវ មុំ ពុទ្ធីដា អភិបាលរងខេត្តឧត្តរមានជ័យ បានអញ្ជើញចូលរួមប្រជុំដើម្បីស្តាប់របាយការណ៍ ស្តីពីលទ្ធផលការងារប្រចាំខែមេសា និងទិសដៅប្រចាំខែឧសភា របស់រដ្ឋបាលស្រុកបន្ទាយអំពិល ខេត្តឧត្តរមានជ័យ ជាលទ្ធផលឃើញមានសកម្មភាពល្អ រីកចំរើនក្នុងការងារដឹកនាំ គ្រប់គ្រង ពិសេសការគ្រប់គ្រង និងទប់ស្កាត់បានល្អ ដោយពុំការមានការរីករាលដាលជំងឺកូវីដ-១៩ ចូលក្នុងមូលដ្ឋាន។ មានមតិក្នុងពេលនោះ ឯកឧត្តម នៅ សំ បានណែនាំនូវចំណុចមួយចំនួនរួមមាន ៖
១-សុំបន្តធ្វើអត្តសញ្ញាណប័ណ្ណ និងចែក ជូនប្រជាពលរដ្ឋឱ្យបានគ្រប់គ្នា និងទាន់ពេលវេលា។
២-ត្រូវបន្តជុំរុញឱ្យបងប្អូនគ្រប់អាយុ១៨ឆ្នាំ បានទៅចុះឈ្មោះក្នុងបញ្ជីបោះឆ្នោត
៣-បន្តគ្រប់គ្រងការពារប្រជាពលរដ្ឋឱ្យជៀសផុតពីជំងឺកូវីដ-១៩ ដោយអនុវត្តឱ្យបាននូវវិធានការ ៣ការពារ ៣កុំ និង២ ចូលរួម។
