khmer eng
  • សមាជិកក្រុមសមាជិកព្រឹទ្ធសភា ប្រចាំភូមិភាគទី៤ បានអញ្ជើញចូលរួមប្រជុំ ដើម្បីស្តាប់របាយកាណ៍របស់រដ្ឋបាលស្រុកចុងកាល់ ខេត្ត ឧត្តរមានជ័យ អំពីការរីកចម្រើនរបស់ស្រុក
     
    ចែករំលែក ៖

    នៅសាលប្រជុំសាលាស្រុកចុងកាល នារសៀលថ្ងៃទី០៥ ខែឧសភា ឆ្នាំ២០២១ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ និងឯកឧត្តម នៅ សំ តំណាងរាស្ត្រមណ្ឌលខេត្តឧត្តរមានជ័យ បានអញ្ជើញចូលរួមប្រជុំ ដើម្បីស្តាប់របាយកាណ៍របស់រដ្ឋបាលស្រុកចុងកាល់ ខេត្ត ឧត្តរមានជ័យ អំពីការរីកចម្រើនរបស់ស្រុក ដែលបានអនុវត្តក្នុងខែមេសា និងទិសដៅសម្រាប់ខែឧសភា ឆ្នាំ២០២១ និងវិធានការនានាក្នុងការបង្ការ និងទប់ស្កាត់ការឆ្លងជំងឺកូវីដ-១៩ កុំឱ្យចូលក្នុងមូលដ្ឋាន។ បន្ទាប់ពីបានស្តាប់របាយការណ៍រួចមក ឯកឧត្តម នៅ សំ បានថ្លែងកោតសរសើរ និងអរគុណ ដល់អាជ្ញាធរមូលដ្ឋានដែលបានខិតខំបំពេញការងារនាពេលកន្លងមកទទួលបានលទ្ធផលល្អក្នុងការផ្តល់សេវាជូនបងប្អូនប្រជាពលរដ្ឋ និង បន្តអនុវត្តនូវការងារមួយចំនួនដូចជា ៖
    ១-ត្រូវគ្រប់គ្រងដឹកនាំការងារដែលកំពុងមានដំណើរការល្អកន្លងមកឱ្យកាន់តែមានប្រសិទ្ធភាពខ្ពស់។
    ២-ជំរុញឱ្យយុវជនដែលអាយុគ្រប់១៨ឆ្នាំឡើងទៅត្រូវត្រៀមទៅចុះឈ្មោះបោះឆ្នោតនាពេលខាងមុខ និងខិតខំធ្វើអត្តសញ្ញាណប័ណ្ណជូនដល់បងប្អូនដែលមិនទាន់មាន ឱ្យបានគ្រប់គ្នា។
    ៣-ជំរុញការងារដាំដុះឱ្យបានទាន់ពេលវេលា ព្រោះពេលនេះជារដូវវស្សា។
    ៤-បន្តការការពារកុំឱ្យមានការឆ្លងជំងឺកូវីដ-១៩ ចូលដល់ក្នុងសហគមន៍បានឱ្យសោះ ដោយអនុវត្តឱ្យបាននូវវិធានការ ៣ការពារ ៣កុំ និង២ចូលរួម ឱ្យបានជាប្រចាំតាមការណែនាំរបស់ក្រសួងសុខាភិបាល។


    អត្ថបទពាក់ព័ន្ធ
       អត្ថបទថ្មី
    thumbnail
     
    លោកជំទាវ មាន សំអាន អញ្ជើញដឹកនាំកិច្ចប្រជុំផ្ទៃក្នុង គណៈកម្មការទី៨ ព្រឹទ្ធសភា
    thumbnail
     
    គណៈកម្មការទី២ព្រឹទ្ធសភា អញ្ជើញស្តាប់បទបង្ហាញលើសេចក្តីព្រាងច្បាប់ ស្តីពី ការរៀបចំដែនដី និងនគរូបនីយកម្ម
    thumbnail
     
    សម្ដេចតេជោប្រធានព្រឹទ្ធសភា អនុញ្ញាតឱ្យឯកអគ្គរដ្ឋទូតចិនប្រចាំកម្ពុជា ចូលជួបសម្តែងការគួរសម និងជម្រាបលា
    thumbnail
     
    លោកជំទាវ ចាន់ សុទ្ធាវី អញ្ជើញដឹកនាំកិច្ចប្រជុំផ្ទៃក្នុងគណៈកម្មការទី៦ ព្រឹទ្ធសភា
    thumbnail
     
    ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ ព្រឹទ្ធសភា និងឯកឧត្តម សាយ បូរិន សមាជិកគណៈកម្មការទី៥ បានអញ្ជើញចូលរួមជាកិត្តិយសក្នុងព្រះរាជពិធីបុណ្យច្រត់ព្រះនង្គ័ល និងទស្សនាពិព័ណ៍ ផលិតកម្ម កសិកម្ម សិប្បកម្មក្នុងស្រុក