khmer eng
  • ក្រុមសមាជិកព្រឹទ្ធសភា ប្រចាំភូមិភាគទី១ បានអញ្ជើញចុះជួបសំណេះសំណាល និងសួរសុខទុក្ខ ក្រុមប្រឹក្សាសង្កាត់បឹងធំ និងសង្កាត់ប្រទះឡាង ស្ថិតក្នុងខណ្ឌកំបូល រាជធានីភ្នំពេញ ដើម្បីស្វែងយល់អំពីស្ថានភាពរស់នៅ និងការប្រកបរបរទទួលទានរបស់បងប្អូនប្រជាពលរដ្ឋ ដែលជួបការលំបាក ក្នុងស្ថានភាពបិទខ្ទប់រាជធានីភ្នំពេញ
     
    ចែករំលែក ៖

    ព្រឹកថ្ងៃព្រហស្បតិ៍ ១០រោច ខែពិសាខ ឆ្នាំឆ្លូវ ទោស័ក ពុទ្ធសករាជ ២៥៦៥ ត្រូវនឹងថ្ងៃទី៦ ខែឧសភា ឆ្នាំ២០២១ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ អមដំណើរដោយឯកឧត្តម ម៉ាន់ ឈឿន អនុប្រធានគណៈកម្មការទី៧ និងលោកជំទាវ មុំ សណ្តាប់ លេខាធិការគណៈកម្មការទី៨ ព្រឹទ្ធសភា បានអញ្ជើញចុះជួបសំណេះសំណាល និងសួរសុខទុក្ខ ក្រុមប្រឹក្សាសង្កាត់បឹងធំ និងសង្កាត់ប្រទះឡាង ស្ថិតក្នុងខណ្ឌកំបូល រាជធានីភ្នំពេញ ដើម្បីស្វែងយល់អំពីស្ថានភាពរស់នៅ និងការប្រកបរបរទទួលទានរបស់បងប្អូនប្រជាពលរដ្ឋ ដែលជួបការលំបាក ក្នុងស្ថានភាពបិទខ្ទប់រាជធានីភ្នំពេញនាពេលកន្លងមក ដែលបង្កដោយព្រឹត្តិការណ៍សហគមន៍ ២០កុម្ភៈ។ ជាមួយគ្នានោះ ឯកឧត្តមឧត្តមសេនីយ៍ទោ សៅ ស៊ីដូណា អគ្គនាយករង នាយកដ្ឋានសុខាភិបាល នៃអគ្គភស្តុភាហិរញ្ញវត្ថុក្រសួងការពារជាតិ បានធ្វើសេចក្តីរាយការណ៍សង្ខេបអំពីបច្ចុប្បន្នភាពក្នុងយុទ្ធនាការចាក់វ៉ាក់សាំងជូនប្រជាពលរដ្ឋតាមមូលដ្ឋាន ស្របតាមការណែនាំរបស់ប្រមុខរាជរដ្ឋាភិបាល គិតត្រឹមថ្ងៃនេះការងារចាក់វ៉ាក់សាំងជូនបងប្អូនប្រជាពលរដ្ឋនៅក្នុងមូលដំណើរការដោយរលូនដូចការគ្រោងទុក។ ជាការឆ្លើយតប ឯកឧត្តមប្រធាន បានថ្លែងកោតសរសើរដល់អាជ្ញាធរមូលដ្ឋាននិងក្រុមការងារចាក់វ៉ាក់សាំងព្រមទាំងផ្តល់នូវអនុសាសន៍មួយចំនួនដូចជា ៖

    ១-ត្រូវធ្វើការអប់រំប្រជាពលរដ្ឋ ចូលរួមចាក់វ៉ាក់សាំងឱ្យបានគ្រប់គ្នាតាមគោលការណ៍ស័្មគ្រចិត្ត ២-ត្រូវបន្តផ្សព្វផ្សាយ សារាចរណែនាំ សេចក្តីសម្រេចនានារបស់រាជរដ្ឋាភិបាល យកចិត្កទុកដាក់ គោរពប្រតិបត្តិឱ្យបានម៉ឺងម៉ាត់តាមការណែនាំរបស់សម្តេចតេជោនាយករដ្ឋមន្រ្តី និងក្រសួងសុខាភិបាល នូវវិធានការ ៣កុំ ៣ការពារ និង២ចូលរួម  មិនចេញក្រៅផ្ទះបើមិនមានការចាំបាច់ដើម្បីសុវត្ថិភាពក្រុមគ្រួសារ និងសហគមន៍យើង

    ៣-ផ្លាស់ប្តូរការរស់នៅតាមបែបគន្លងថ្មី បង្កើនស្មារតីប្រុងប្រយ័ត្ន ៤-ត្រូវតែប្រឹងប្រែង ធ្វើពលិកម្ម និងការរួបរួមកម្លាំងឱ្យបានខ្លាំងក្លាដើម្បីជួយប្រជាពលរដ្ឋដែលកំពុងជួបការលំបាក និង

    ៥-ត្រូវប្រាកដថាគ្មានប្រជាពលរដ្ឋណាម្នាក់ ស្លាប់ដោយអត់អាហារនោះទេ។ ក្នុងឱកាសនោះ ឯកឧត្តមបានឧបត្ថម្ភ មី ត្រីខកំប៉ុង ទឹកស៊ីអីវ ទឹកត្រី ព្រមទាំងថវិកាមួយចំនួនផងដែរ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ម៉ម ប៊ុននាង អញ្ជើញជាអធិបតីភាពក្នុងកិច្ចប្រជុំផ្ទៃក្នុង
    thumbnail
     
    ឯកឧត្ដម សត ណាឌី បានអញ្ជើញនាំយកគ្រឿង​ឧបភោគ បរិភោគ និងថវិកាមួយចំនួន ផ្ដល់​ជូន​កំលាំង​ប្រជា​ការពា​ភូមិទ្រាំង សង្កាត់​ស្លក្រាម ក្រុងសៀមរាប
    thumbnail
     
    ឯកឧត្តម ជា ជេដ្ឋ ដឹកនាំកិច្ចប្រជុំពិនិត្យគម្រោងថវិកាឆ្នាំ២០២២ របស់ព្រឹទ្ធសភា
    thumbnail
     
    អគ្គលេខាធិការ​ដ្ឋាន​ព្រឹទ្ធសភា​ប្រជុំ​ត្រៀម​រៀប​ចំ​កិច្ច​ប្រជុំ​គណៈ​កម្មាធិការ​អចិន្ត្រៃយ៍​ព្រឹទ្ធសភា និង​ការ​បើក​សម័យ​ប្រជុំ​លើក​ទី៧ព្រឹទ្ធសភា​នីតិកាលទី៤
    thumbnail
     
    ឯកឧត្តម ឡោក ឆាយ ដឹកនាំកិច្ចប្រជុំកែសម្រួលសេចក្តីសម្រេច ស្តីពីបច្ចុប្បន្នភាពគោលការណ៍ការគ្រប់គ្រង និងការប្រើប្រាស់បុគ្គលិកជាប់កិច្ចសន្យានៃអ.ពស