khmer eng
  • ក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះសំណេះសំណាល សួរសុខទុក្ខ និង លើកទឹកចិត្តរដ្ឋបាលស្រុកដំណាក់ចង្អើរ ក្រុមប្រឹក្សាឃុំពងទឹក និង ក្រុមប្រឹក្សាឃុំអង្កោល ក្នុងស្រុកដំណាក់ចង្អើរ ខេត្តកែប នៅសាលាស្រុកដំណាក់ចង្អើរ
     
    ចែករំលែក ៖

    ព្រឹកថ្ងៃទី០៨ ខែឧសភា ឆ្នាំ២០២១

    ឯកឧត្តម ខៀវ មុត អនុប្រធានគណៈកម្មការទី១ នៃព្រឺទ្ធសភា និង ជាប្រធានក្រុមសមាជិកព្រឹទ្ធសភាប្រចាំភូមិភាគទី៥ , ឯកឧត្តម ទេព យុទ្ធី សមាជិកគណៈកម្មការទី៨ និង ជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះសំណេះសំណាល សួរសុខទុក្ខ និង លើកទឹកចិត្តរដ្ឋបាលស្រុកដំណាក់ចង្អើរ ក្រុមប្រឹក្សាឃុំពងទឹក និង ក្រុមប្រឹក្សាឃុំអង្កោល ក្នុងស្រុកដំណាក់ចង្អើរ ខេត្តកែប នៅសាលាស្រុកដំណាក់ចង្អើរ ។

    ក្នុងឱកាសសំណេះសំណាល ឯកឧត្តម ខៀវ មុត បានពាំនាំការផ្ដាំផ្ញើសាកសួរសុខទុក្ខពីសម្ដេចវិបុលសេនាភក្ដីប្រធានព្រឹទ្ធសភា និង ឯកឧត្តមអនុប្រធានព្រឹទ្ធសភា   ព្រមទាំងបានសំដែងការកោតសរសើរចំពោះការខិតខំប្រឹងប្រែងបំពេញភារកិច្ចផ្ដល់សេវាលើគ្រប់វិស័យជូនប្រជាពលរដ្ឋ របស់រដ្ឋបាលស្រុក និង ក្រុមប្រឹក្សាឃុំទាំងពីរ ។ ឯកឧត្តម ក៏បានណែនាំផ្ដាំផ្ញើឲ្យបន្តយកចិត្តទុកដាក់ប្រកបដោយភាពម៉ឺងម៉ាត់ និង ទទួលខុសត្រូវខ្ពស់ក្នុងការអនុវត្តច្បាប់ អនុក្រឹត្យ សេចក្ដីសម្រេច សេចក្ដីណែនាំ និង វិធានការនានា របស់រាជរដ្ឋាភិបាលដើម្បីប្រយុទ្ធ ប្រឆាំង និង ទប់ស្កាត់ការរាលដាលនៃជំងឺកូវីដ-១៩ឲ្យមានប្រសិទ្ធភាព កុំឲ្យឆ្លងចូលក្នុងសហគមន៍ , អប់រំណែនាំប្រជាពលរដ្ឋឲ្យផ្លាស់ប្ដូរឥរិយាបថរស់នៅ និង ប្រកបរបរតាមគន្លងថ្មី អនុវត្តន៍ជាប់ជាប្រចាំនូវវិធានការ ៣ការពារ និង ៣កុំ  ព្រមទាំងបាននាំយកនូវអំណោយរួមមាន ៖ ម៉ាស់  អាល់កុល សៀវភៅឯកសារច្បាប់ និង ថវិកាមួយចំនួន ឧបត្ថម្ភដល់រដ្ឋបាលស្រុកដំណាក់ចង្អើរ និង ក្រុមប្រឹក្សាឃុំទាំងពីរផងដែរ ។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម ឈិត សុខុន ដឹកនាំកិច្ចប្រជុំផ្ទៃក្នុងគណៈកម្មការទី៧ ព្រឹទ្ធសភា
    thumbnail
     
    លោកជំទាវ ចាន់ សុទ្ធាវី ប្រធានគណៈកម្មការទី៦ បានអញ្ជើញចូលរួមពិធីបុណ្យគម្រប់១០០ថ្ងៃ ដើម្បីឧទ្ទិសកុសលជូនចំពោះ ដួងវិញ្ញាក្ខន្ធឯកឧត្តម ឃួន ផល្លារិទ្ធ
    thumbnail
     
    ឯកឧត្តម ស្លេះ ពុនយ៉ាមុីន សមាជិកព្រឹទ្ធសភាមណ្ឌលភូមិភាគ២ បានអញ្ជើញជាកិត្តិយសក្នុងពិធីសម្ពោធដាក់អោយប្រើប្រាស់ជាផ្លូវការវិហ៊ារឥស្លាម អាល់អឹកពើរជ្រៃអណ្តែត
    thumbnail
     
    ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមក្នុងពិធិជួបជុំបន់ស្រន់សុំសេចក្តីសុខ សេចក្តីចំរើនរុងរឿង ពីលោកតាម្ចាស់ស្រុកព្រះនាម “លោកតាព្រៃ”
    thumbnail
     
    លោកជំទាវ ឃួន ឃុនឌី សមាជិកាគណៈកម្មការទី៨ព្រឹទ្ធសភា និងលោកជំទាវ សួស សារ៉ាម សមាជិកាព្រឹទ្ធសភា បានអញ្ជើញចូលរួមកម្មវិធីបុណ្យ គម្រប់ ១០០ថ្ងៃ ដើម្បីឧទ្ទិសកុសលដល់វិញ្ញាណក្ខន្ធសព ឯកឧត្ដម ឃួន ផល្លារិទ្ធ