khmer eng
  • ឯកឧត្តម ណយ ស្រូន សមាជិកព្រឹទ្ធសភាប្រចាំភូមិភាគទី ៨ បានអញ្ជើញជួបសំណេះសំណាល និងសួរសុខទុក្ខបងប្អូនកម្មករ និងនិយោជិតនៅក្នុងក្រុមហ៊ុន ក្នុងឱកាសអបអរសាទរខួបអនុស្សាវរីយ៍លើកទី ១៣៥ នៃទិវាពលកម្មអន្តរជាតិ
     
    ចែករំលែក ៖

    នាព្រឹកថ្ងៃទី ៧ ខែឧសភា ឆ្នាំ ២០២១ ឯកឧត្តម ណយ ស្រូន សមាជិកព្រឹទ្ធសភាប្រចាំភូមិភាគទី ៨ រួមជាមួយ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្តមណ្ឌលគិរី លោក សាយ ម៉េងគីម អភិបាលរង នៃគណៈអភិបាលខេត្តមណ្ឌលគិរី អមដំណើរដោយលោកប្រធានមន្ទីរការងារ និងបណ្ដុះបណ្ដាលវិជ្ជាជីវៈខេត្ត លោកអភិបាលស្រុកអូររាំង បានអញ្ជើញជួបសំណេះសំណាល និងសួរសុខទុក្ខបងប្អូនកម្មករ និងនិយោជិតនៅក្នុងក្រុមហ៊ុន ក្នុងឱកាសអបអរសាទរខួបអនុស្សាវរីយ៍លើកទី ១៣៥ នៃទិវាពលកម្មអន្តរជាតិ ១ឧសភាឆ្នាំ ២០២១ ក្រោមប្រធានបទ«សន្តិភាព សន្តិសុខ និងការងារ» ដោយមានការចូលរួមពីរតំណាងក្រុមហ៊ុនមេហ្គាហ្វឺស ព្រមទាំងមានកម្មករ និងនិយោជិត ចំនួន ៥០ នាក់ ដែលពិធីនេះបានប្រព្រិត្តិទៅនៅក្នុងបរិវេណក្រុមហ៊ុនមេហ្គា ហ្វឺស ផ្លេនថេសិន ស្ថិតនៅក្នុងភូមិភូមិពូឡេះ ឃុំដាក់ដាំ ស្រុកអូររាំងខេត្តមណ្ឌលគិរី ។ ក្នុងឱកាសនោះ ឯកឧត្តម រួមជាមួយមន្ទីរការងារ និងបណ្ដុះបណ្ដាលវិជ្ជាជីវៈក៏បាននាំយកនូវអំណោយមួយចំនួនចែកជូនដល់កម្មករ និងនិយោជិតក្រុមហ៊ុនចំនួន ៥០ នាក់ ដោយក្នុងម្នាក់ៗទទួលបាន មីខ្លាឃ្មុំ ១ កេស ម៉ាស់១ប្រអប់ ក្រម៉ា ១ អាល់កុល១ដប និងថវិកា ១ ម៉ឺនរៀល។ព្រមទាំងផ្តាំផ្ញើដល់និយោជិតត្រូវអនុវត្តន៍ជាប់ជានិច្ចនូវវិធានការរបស់រាជរដ្ឋាភិបាល ក៏ដូចជាក្រសួងសុខាភិបាលដើម្បីការពារឆ្លងជំងឺកូវីដ-១៩ ។ ដោយឡែកកម្មករ និងនិយោជិត ក៏ត្រូវខិតខំប្រឹងប្រែងបំពេញការងារតាមតួនាទីរបស់ខ្លួន ប្រកបដោយភាពស្មោះត្រង់ និងការទទួលខុសត្រូវ និងត្រូវចូលរួមថែរក្សាអនាម័យ ជាពិសេសត្រូវអនុវត្តវិធានការ ៣ការពារ និង ៣កុំ ដើម្បីការពារខ្លួនពីការឆ្លងជំងឺកូវីដ-១៩ ។


    អត្ថបទពាក់ព័ន្ធ
       អត្ថបទថ្មី
    thumbnail
     
    អគ្គនាយកដ្ឋានរដ្ឋបាល និងហិរញ្ញវត្ថុ ប្រជុំត្រួតពិនិត្យការងារ និងលើកទិសដៅអនុវត្តការងារបន្ត
    thumbnail
     
    ក្រុមសមាជិកាព្រឹទ្ធសភាអញ្ជើញសំណេះសំណាលជាមួយសមាជិកាក្រុមប្រឹក្សាឃុំ សង្កាត់ ក្នុងខេត្តកំពង់ចាម និងខេត្តត្បូងឃ្មុំ
    thumbnail
     
    អ.ពស រៀបចំកម្មវិធីចែករំលែកវិធីសាស្រ្តក្នុងការស្នើសុំការគាំទ្រពីប្រទេសចិន
    thumbnail
     
    ឯកឧត្តម អ៊ុំ សារឹទ្ធ អញ្ជើញជាអធិបតីភាពក្នុងកិច្ចប្រជុំជាមួយមន្រ្តីរាជការ នៃអគ្គលេខាធិការដ្ឋានព្រឹទ្ធសភា ដែលបានបញ្ចប់ការសិក្សាថ្នាក់បណ្ឌិត ក្នុងប្រទេស និងក្រៅប្រទេស ចំនួន០៧នាក់
    thumbnail
     
    សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតឱ្យប្រតិភូអង្គការបណ្តុះបណ្តាលវប្បធម៌ឥស្លាមគូវែត ចូលជួបសម្តែងការគួសម