khmer eng
  • ឯកឧត្តម ខៀវ មុត បាន​អញ្ជើញ​ចុះ​សំណេះ​សំណាល​សួរ​សុខ​ទុក្ខ និងលើក​ទឹក​ចិត្ត​ដល់​មន្ត្រី បុគ្គលិក កម្មករ នៃ​មន្ទីរ​ពេទ្យ​បង្អែក​ខេត្តកែប
     
    ចែករំលែក ៖


    ព្រឹកថ្ងៃទី១៤ ខែឧសភា ឆ្នាំ២០២១ ឯកឧត្តម ខៀវ មុត អនុប្រធានគណៈកម្មការទី១ ព្រឹទ្ធសភា និង ជាប្រធានក្រុមសមាជិកព្រឹទ្ធសភាប្រចាំភូមិភាគទី៥ , ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និង ជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ , ឯកឧត្តម ងួន ប៊ៀន អ្នកតំណាងរាស្ត្រប្រចាំមណ្ឌលខេត្តកែប បានអញ្ជើញចុះសំណេះសំណាលសួរសុខទុក្ខ និង លើកទឹកចិត្តដល់មន្ត្រី បុគ្គលិក កម្មករ នៃមន្ទីរពេទ្យបង្អែកខេត្តកែប ស្ថិតនៅក្នុងភូមិកែប សង្កាត់កែប ក្រុងកែប ខេត្តកែប ។
    ក្នុងឱកាសជួបសំណេះសំណាល ឯកឧត្តម ខៀវ មុត និង ឯកឧត្តម ទេព យុទ្ធី បានពាំនាំការផ្ដាំផ្ញើសាកសួរសុខទុក្ខ និង ថ្លែងអំណរគុណពីសំណាក់សម្ដេចវិបុលសេនាភក្ដី ប្រធានព្រឹទ្ធសភា សម្ដេចអគ្គមហាពញាចក្រី ប្រធានរដ្ឋសភា ជូនចំពោះមន្ត្រី បុគ្គលិក កម្មករមន្ទីរពេទ្យបង្អែកខេត្តកែបទាំងអស់ ដែលបានខិតខំបំពេញភារកិច្ច មុខងារ ផ្ដល់សេវាសុខាភិបាលជូនប្រជាពលរដ្ឋ ជាពិសេសការអនុវត្តវិធានការសុខាភិបាលប្រយុទ្ធ ប្រឆាំង និង ការពិនិត្យ ព្យាបាលអ្នកជំងឺ និង អ្នកពាក់ព័ន្ធនឹងជំងឺកូវីដ-១៩ ទប់ស្កាត់បានប្រកបដោយប្រសិទ្ធភាពមិនមានការឆ្លងរាលដាលនៅក្នុងសហគមន៍ខេត្តកែប ក្នុងរយៈពេលកន្លងមកនេះ និង បានសំណូមពរ ឲ្យបន្តការយកចិត្តទុកដាក់លើកកម្ពស់អនុវត្តន៍នូវវិធានការបង្ការ ទប់ស្កាត់ និង ការព្យាបាលជូនប្រជាពលរដ្ឋដើម្បីរួមចំណែកជាមួយរដ្ឋបាលខេត្ត ក្រុង ស្រុក អនុវត្តន៍ឲ្យបានជោគជ័យលើសមរភូមិប្រយុទ្ធនឹងជំងឺកូវីដ-១៩ ។ ជាមួយនឹងការសំណេះសំណាលនេះ បាននាំយកអំណោយរួមមាន ទឹកបរិសុទ្ធ ទឹកក្រូច និង ថវិកាឧបត្ថម្ភជូនដល់មន្ត្រី បុគ្គលិក កម្មករនៃមន្ទីរពេទ្យបង្អែកខេត្តកែបចំនួន ៥៩នាក់ ក្នុងម្នាក់ៗទទួលបានថវិកាចំនួន៣០ ០០០រៀល ។


    អត្ថបទពាក់ព័ន្ធ
       អត្ថបទថ្មី
    thumbnail
     
    អគ្គនាយកដ្ឋានរដ្ឋបាល និងហិរញ្ញវត្ថុ ប្រជុំត្រួតពិនិត្យការងារ និងលើកទិសដៅអនុវត្តការងារបន្ត
    thumbnail
     
    ក្រុមសមាជិកាព្រឹទ្ធសភាអញ្ជើញសំណេះសំណាលជាមួយសមាជិកាក្រុមប្រឹក្សាឃុំ សង្កាត់ ក្នុងខេត្តកំពង់ចាម និងខេត្តត្បូងឃ្មុំ
    thumbnail
     
    អ.ពស រៀបចំកម្មវិធីចែករំលែកវិធីសាស្រ្តក្នុងការស្នើសុំការគាំទ្រពីប្រទេសចិន
    thumbnail
     
    ឯកឧត្តម អ៊ុំ សារឹទ្ធ អញ្ជើញជាអធិបតីភាពក្នុងកិច្ចប្រជុំជាមួយមន្រ្តីរាជការ នៃអគ្គលេខាធិការដ្ឋានព្រឹទ្ធសភា ដែលបានបញ្ចប់ការសិក្សាថ្នាក់បណ្ឌិត ក្នុងប្រទេស និងក្រៅប្រទេស ចំនួន០៧នាក់
    thumbnail
     
    សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា អនុញ្ញាតឱ្យប្រតិភូអង្គការបណ្តុះបណ្តាលវប្បធម៌ឥស្លាមគូវែត ចូលជួបសម្តែងការគួសម