នាព្រឹកថ្ងៃទី១៥ ខែមេសា ឆ្នាំ២០២៦ លោកជំទាវ ឃួន ឃុនឌី លេខាធិកាគណៈកម្មការទី៨ ព្រឹទ្ធសភា អនុប្រធានក្រុមសមាជិកព្រឹទ្ធសភាប្រចាំភូមិភាគទី៨ និងលោកឧញ៉ា គុយ លាងគី ព្រមទាំងក្រុមគ្រួសារ បានអញ្ជើញនាំយកទេយ្យទាន គ្រឿងឧបភោគបរិភោគ ចង្ហាន់ និងបច្ច័យមួយចំនួន ទៅប្រគេនព្រះគ្រូ
ចៅអធិការវត្តចំនួន៤វត្ត គឺវត្តឥន្ទ្រៃសំវរៈ (ហៅវត្តកំពង់ធំ), វត្តទេពនិម្មិត (ហៅវត្តធម្មយុទ្ធ), វត្តសែនសិរី (ហៅវត្តក្ដីសែន) ស្ថិតនៅក្រុងស្ទឹងសែន និងវត្តព្រះពុទ្ធជិនរាជ ស្រុកកំពង់ស្វាយ ខេត្តកំពង់ធំ ដើម្បីឧទ្ទិសកុសលផលបុណ្យជូនដល់ដួងវិញ្ញាណក្ខន្ធ ជីដូនជីតាញាតកាទាំងប្រាំពីរសន្តាន ឥស្សរជន វីរយុទ្ធជន និងជាពិសេសដល់ដួងវិញ្ញាណក្ខន្ធវីរកងទ័ព ដែលបានពលីជីវិត ដើម្បីជាតិមាតុភូមិ។
ប្រភព៖ ជំនួយការលោកជំទាវ ឃួន ឃុនឌី
