នាព្រឹកថ្ងៃសៅរ៍ ទី២២ ខែឧសភា ឆ្នាំ២០២១ ឯកឧត្តមកិត្តិសង្គហបណ្ឌិត ទេព ងន អនុប្រធាន ទី២ ព្រឹទ្ធសភា បានអញ្ជើញ សំណេះសំណាល និងនាំយក អំណោយ ជូនដល់រដ្ឋបាលស្រុកស្អាង និងស្រុក កោះធំ ខេត្តកណ្តាល សម្រាប់ចែកជូនដល់បងប្អូនប្រជាពលរដ្ឋ ដែលកំពុងធ្វើចត្តាឡីស័ក និងជួបការលំបាក ក្នុងស្រុក ទាំងពីរ។ នាឱកាសនោះដែរឯកឧត្តមកិត្តិសង្គហបណ្ឌិតបានមានប្រសាសន៍ផ្តាំផ្ញើរដល់អាជ្ញាធរដូចខាងក្រោម:
-ត្រូវបន្តអនុវត្តន៍សេចក្តីណែនាំរបស់ក្រសួងសុខាភិបាល និងសម្តេចតេជោនាយករដ្ឋមន្រ្តីនូវវិធានការ ៣កុំ ៣ការពារ និង២ចូលរួម
-ប្រកាន់ខ្ជាប់ការរស់នៅ ការបំពេញការងារតាមបែបគន្លងថ្មី បង្កើនស្មារតី ប្រុងប្រយ័ត្ន ខ្ពស់
-អាជ្ញាធរ មូលដ្ឋាន ត្រូវបង្កើនការយកចិត្តទុកដាក់បន្ថែមទៀតក្នុងការផ្តល់សេវាសាធារណៈជូន ប្រជាពលរដ្ឋ ក្នុងមូលដ្ឋានតែក៏មិនត្រូវភ្លេចពីសុវត្ថិភាព និងសុខភាពផ្ទាល់ខ្លួន
-អាជ្ញាធរ ត្រូវយកចិត្តទុកដាក់ត្រួតពិនិត្យមើលលើការស្នាក់នៅ ហូបចុករបស់បងប្អូនដែលកំពុងធ្វើចត្តាឡីស័កនៅតាមគេហដ្ឋានក៏ដូចជានៅតាមមណ្ឌលនានាក្នុងស្រុក។
ជាចុងបញ្ចប់ឯកឧត្តមកិត្តិសង្គហបណ្ឌិតបានជូនពរដល់ក្រុមការងារស្រុកទាំងពីរមានសុខភាពល្អជៀសឆ្ងាយពីជំងឺកូវីដ១៩ ដើម្បី ចូលរួមចំណែកអភិវឌ្ឍន៍ប្រទេសជាតិអោយសម្រេចបានជោគជ័យ បន្ថែមទៀត។
