ឯកឧត្តម អ៊ុច បូររិទ្ធ ប្រធានស្តីទីព្រឹទ្ធសភានៃព្រះរាជាណាចក្រកម្ពុជា បានអញ្ជើញដឹកនាំកិច្ចប្រជុំពិនិត្យលើវឌ្ឍនភាព និងការត្រៀមលក្ខណៈរៀបចំសន្និសីទប្រធានសភានៃអន្តរសភា (ISC) លើកទី២ ដែលគ្រោងនឹងប្រព្រឹត្តទៅនៅខែសីហា ឆ្នាំ២០២៦ នាពេលខាងមុខនេះ នៅព្រះរាជាណាចក្រកម្ពុជា។

កិច្ចប្រជុំខាងលើនេះ បានប្រព្រឹត្តទៅនៅសាលភក្តីវិក្រម៣ វិមានព្រឹទ្ធសភា នាព្រឹកថ្ងៃពុធ ១៣កើត ខែពិសាខ ឆ្នាំមមី អដ្ឋស័ក ពុទ្ធសករាជ ២៥៦៩ ត្រូវនឹងថ្ងៃទី២៩ ខែមេសា ឆ្នាំ២០២៦ ដែលមានការអញ្ជើញចូលរួមពីសំណាក់ ឯកឧត្តម លោកជំទាវ អនុប្រធាន សមាជិក សមាជិកា និងជំនួយការ ទីប្រឹក្សា ព្រមទាំងថ្នាក់ដឹកនាំ និងមន្ត្រី ដែលមាសមាសភាពក្នុង គណៈកម្មការដឹកនាំ នៃសេចក្តីព្រាងសេចក្តីសម្រេចស្តីពីការបង្កើតគណៈកម្មការដឹកនាំ អនុគណៈកម្មការប្រតិបត្តិ និងលេខាធិការដ្ឋាន សម្រាប់ការរៀបចំសន្និសីទខាងលើ។

ប្រភព៖ នាយកដ្ឋានព័ត៌មាន