នាព្រឹកថ្ងៃសៅរ៍ ទី២ ខែឧសភា ឆ្នាំ២០២៦ នៅវិទ្យាស្ថានកសិកម្មឧកញ៉ា ម៉ុង ឫទ្ធី និងក្រុមហ៊ុន អឹមភិក អេស៊ីអឹមស៊ី ខេត្តព្រះសីហនុ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញទទួលដំណើរទស្សនកិច្ចសិក្សារបស់សមាជិកក្លឹបកម្មវិធី មនសិការពលរដ្ឋល្អ សរុបចំនួន៦៤៤នាក់ ដែលបានមកទស្សនកិច្ចនៅវិទ្យាស្ថានកសិកម្មឧកញ៉ា ម៉ុង ឫទ្ធី, កសិកដ្ឋានដាំបន្លែ, កសិដ្ឋានចិញ្ចឹមជ្រូក, ចិញ្ចឹមត្រី និងរោងចក្រផលិតចំណីសត្វអិមភីក ក្នុងគោលបំណងដើម្បីឱ្យសិស្សានុសិស្សទទួលបានចំណេះដឹងថ្មីៗ មានបទពិសោធន៍ផ្ទាល់បន្ថែមទៀត និងផ្ដល់ឱកាសឱ្យសិស្សានុសិស្ស បានស្វែងយល់ពីការគ្រប់គ្រង និងដឹកនាំពីបច្ចេកទេសកសិកម្ម។
នាឱកាសនោះ ឯកឧត្តមបណ្ឌិតប្រធាន និងលោកជំទាវ បានចំណាយថវិកាផ្ទាល់ខ្លួនចំនួន៦២លានរៀល ក្នុងការរៀបចំទទួលអាហារថ្ងៃត្រង់ ដើម្បីជាការលើកទឹកចិត្តដល់ពួកគាត់។
ឆ្លៀតក្នុងឱកាសនោះ ឯកឧត្តមបណ្ឌិត បានសំណេះសំណាល និងនាំមកនូវការផ្តាំផ្ញើការសាកសួរសុខទុក្ខពីសម្តេចតេជោប្រមុខរដ្ឋស្តីទី និងសម្តេចធិបតីនាយករដ្ឋមន្ត្រី នៃព្រះរាជាណាចក្រកម្ពុជា ដល់ចៅៗ លោកគ្រូ អ្នកគ្រូ ព្រមទាំងអាជ្ញាធរដែនដីផងដែរ។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
