នាព្រឹកថ្ងៃអង្គារ ទី៥ ខែឧសភា ឆ្នាំ២០២៦ នៅក្នុងតំបន់កសិកម្ម កសិ-ឧស្សាហកម្មរបស់ក្រុមហ៊ុន ម៉ុង ឫទ្ធី គ្រុប ស្រុកព្រៃនប់ និងស្រុកស្ទឹងហាវ ខេត្តព្រះសីហនុ ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា បានអញ្ជេីញពិនិត្យក្រុមការងាររៀបចំទីតាំងខួងដីត្រៀមដាំដូងប្រេង នាដេីមរដូវវស្សាឆ្នាំ២០២៦ ចំនួន៥០០ហិកតា នៅតាមបណ្តោយផ្លូវជាតិលេខ៤ ចន្លោះគីឡូម៉ែត្រ១៥៨-១៦២ ឃុំតានៃ ស្រុកព្រៃនប់ និងបានពិនិត្យមើលផ្លូវក្រាលគ្រួសក្រហមថ្មីមួយខ្សែ ប្រវែងជាង៣គីឡូម៉ែត្រតាមបណ្តោយឆ្នេរសមុទ្រកែវផុសមកដល់ព្រែកចំរុះ។ សមិទ្ធផលថ្មីនេះកេីតចេញពីការខិតខំប្រឹងប្រែងរបស់ឯកឧត្តម សាយ សំអាល់ ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្តព្រះសីហនុ ទន្ទឹមគ្នានេះ ឯកឧត្តមបណ្ឌិតក៏បានជួយចូលរួមចំណែកដីក្រហមសម្រាប់ចាក់បំពេញស្រទាប់ទី២ ចំនួនប្រមាណជិត២០,០០០ម៉ែត្រគូបផងដែរ។
ប្រភព៖ ការិយាល័យជំនួយការគណៈកម្មការទី៣ព្រឹទ្ធសភា
