khmer eng
  • នាព្រឹកថ្ងៃពុធទី ២៦ ខែឧសភា ឆ្នាំ២០២១ ឯកឧត្តម ប្រាក់ ចំរើន អនុប្រធានក្រុមសមាជិកព្រឹទ្ធសភាប្រចាំភូមិភាគទី៣ និងជាអនុប្រធានគណៈកម្មការទី៨ ព្រឹទ្ធសភា បានអញ្ជើញនាំយកអំណោយរបស់ក្រុមសមាជិកព្រឹទ្ធសភាប្រចាំភូមិភាគទី៣ ទៅផ្តល់ជូនរដ្ឋបាលស្រុកល្វាឯម សម្រាប់ចែកជូនបងប្អូនប្រជាពលរដ្ឋ ដែលកំពុងធ្វើចត្តាឡីស័ក និងជួបការលំបាក ក្នុងស្រុក
     
    ចែករំលែក ៖

    បន្ទាប់ពីស្តាប់របាយការណ៍របស់លោកអភិបាលស្រុករួចមក ឯកឧត្តម បានមានប្រសាសន៍ពាំនាំនូវការសាកសួរសុខទុកពីសំណាក់ថ្នាក់ដឹកនាំព្រឹទ្ធសភា ពិសេសសម្តេចវិបុលសេនាភក្តីប្រធានព្រឹទ្ធសភា ជូនចំពោះអាជ្ញាធរ ក៏ដូចជាបងប្អូនក្នុងស្រុកល្វាឯមទាំងមូល និងបានមានមតិផ្តាំផ្ញើរដល់អាជ្ញាធរ÷
    -ត្រូវបន្តអនុវត្តន៍ និងបង្កើនការផ្សព្វផ្សាយដល់បងប្អូនប្រជាពលរដ្ឋក្នុងមូលដ្ឋាន ជាពិសេសបងប្អូនអាជីវករលក់ដូរ ត្រូវបន្តអនុវត្តនូវសេចក្តីណែនាំរបស់ក្រសួងសុខាភិបាល និងសម្តេចតេជោនាយករដ្ឋមន្រ្តីនូវវិធានការ ៣កុំ ៣ការពារ និង២ចូលរួម ។
    -អាជ្ញាធរ ត្រូវយកចិត្តទុកដាក់ចំពោះការស្នាក់នៅ ចំណីអាហារដល់បងប្អូន ដែលកំពុងធ្វើចត្តាឡីស័កនៅតាមគេហដ្ឋានក៏ដូចជានៅតាមមណ្ឌលនានាក្នុងស្រុក។
    -អាជ្ញាធរ ត្រូវក្តាប់ព័ត៌មានអំពីការចល័តរបស់បងប្អូនក្នុងភូមិ ក្នុងឃុំ ដើម្បីស្វែងរកប្រភពឆ្លងចំលងជំងឺដ៏កាចសាហាវនេះ និងរកវិធានការការពារ។
    -ត្រូវយកចិត្តទុកដាក់បន្ថែមទៀតចំពោះការផ្តល់សេវាសាធារណ:ជូនបងប្អូនក្នុងមូលដ្ឋាន និងត្រូវថែរក្សាសុវត្ថិភាព និងសុខភាពបងប្អូនទាំងអស់គ្នា
    – មិនថាតែជំងឺ Covid-19 ទេដែលជាបញ្ហាប្រឈម ចំណីអាហារ ភេសជ្ជ:ផ្សេងៗដែលគ្មានគុណភាព ការផលិតខ្វះអនាម័យក៏ជាកត្តាដែលធ្វើឲ្យប៉ះពាល់សុខភាពអាចរហូតដល់បាត់បង់ជីវិតដែរ
    – ត្រួតពិនិត្យមើលឡើងវិញចំពោះករណីមិនពាក់ម៉ាស់ និងរក្សាគម្លាត វាអាចជាហានិភ័យណាស់សម្រាប់ការចម្លងពីមនុស្សម្នាក់ទៅមនុស្សម្នាក់ទៀតយ៉ាងឆាប់រហ័យ
    តួយ៉ាងករណីពុលស្រា ដែលបណ្តាលឲ្យបងប្អូនក្នុងស្រុកល្វាឯមយើងស្លាប់រហូតដល់១២នាក់នាពេលថ្មីៗនេះ ដូច្នេះត្រូវបន្តផ្សព្វផ្សាយអប់រំពួកគាត់បន្ថែមទៀត
    ជាចុងបញ្ចប់ឯកឧត្តមបានជូនពរដល់ក្រុមការងារស្រុកមានសុខភាពល្អជៀសឆ្ងាយពីជំងឺកូវីដ-១៩ ដើម្បី ចូលរួមចំណែកអភិវឌ្ឍន៍ប្រទេសជាតិអោយសម្រេចបានជោគជ័យ បន្ថែមទៀត។
    អំណោយដែលប្រគល់ជូននាពេលនោះរួមមាន :
    – អង្ករចំនួន ១០០បាវ (២តោន)
    – មីចំនួន ១០០កេស
    – ត្រីខចំនួន ១០០យួរ
    -ទឹកត្រី ទឹកសុីអុីវ ចំនួន ១០០យួរ
    – ម៉ាស់ចំនួន ១០០ប្រអប់


    អត្ថបទពាក់ព័ន្ធ
       អត្ថបទថ្មី
    thumbnail
     
    សារលិខិតរំលែកទុក្ខ របស់ សមាជិក សមាជិកា គណៈកម្មការទី៤ ព្រឹទ្ធសភា ជូនចំពោះ ឯកឧត្តម កុក អាន សមាជិកព្រឹទ្ធសភា ចំពោះមរណភាពរបស់ ឧបាសិកា ប៊ុន ស៊ី ត្រូវជាម្ដាយបង្កើតរបស់ឯកឧត្តម
    thumbnail
     
    គណៈប្រតិភូព្រឹទ្ធសភា អញ្ជើញគោរពវិញ្ញាណក្ខន្ធសពម្តាយឯកឧត្តម កុក អាន សមាជិក ក្រុមសមាជិកព្រឹទ្ធសភាប្រចាំភូមិភាគទី៥
    thumbnail
     
    សារលិខិតរំលែកទុក្ខ របស់ សមាជិក សមាជិកា គណៈកម្មការទី១០ ព្រឹទ្ធសភា ជម្រាបជូន ឯកឧត្តម កុក អាន សមាជិកព្រឹទ្ធសភា ចំពោះមរណភាពរបស់ ឧបាសិកា ប៊ុន ស៊ី ត្រូវជាម្ដាយបង្កើតរបស់ឯកឧត្តម
    thumbnail
     
    សារលិខិតរំលែកទុក្ខ របស់ ក្រុមសមាជិកព្រឹទ្ធសភា ប្រចាំភូមិភាគទី៥ ជូនចំពោះ ឯកឧត្តម កុក អាន សមាជិក ក្រុមសមាជិកព្រឹទ្ធសភា ប្រចាំភូមិភាគទី៥ ចំពោះមរណភាពរបស់ ឧបាសិកា ប៊ុន ស៊ី ត្រូវជាម្ដាយបង្កើតរបស់ឯកឧត្តម
    thumbnail
     
    ឯកឧត្តមកិត្តិសង្គហបណ្ឌិត ទេព ងន អនុប្រធានទី២ ព្រឹទ្ធសភា អញ្ជើញចូលរួមពិធី បុណ្យកាន់បិណ្ឌវេនទី៤ នៅវត្តប្រាសាទនាងខ្មៅ