នាព្រឹកថ្ងៃទី១១ ខែឧសភា ឆ្នាំ២០២៦ លោកជំទាវបណ្ឌិត ចាន់ សុទ្ធាវី ប្រធានគណៈកម្មការនីតិកម្ម និងយុត្តិធម៌ នៃព្រឹទ្ធសភា បានអញ្ជើញចូលរួមក្នុងកិច្ចប្រជុំពិភាក្សាកម្រិតខ្ពស់លើសេចក្តីព្រាងឯកសារស្តីពី «ផែនទីបង្ហាញផ្លូវឆ្ពោះទៅកាន់ផែនការសកម្មភាពជាតិស្តីពី ស្ត្រី សន្តិភាព និងសន្តិសុខ (NAP-WPS) លើកដំបូងរបស់កម្ពុជា» ក្រោមអធិបតីភាពរបស់លោកជំទាវកិត្តិបណ្ឌិត អ៊ឹង កន្ថាផាវី រដ្ឋមន្ត្រីក្រសួងកិច្ចការនារី នៅសណ្ឋាគារ Hyatt Regency Phnom Penh។

គោលបំណងសំខាន់នៃកិច្ចប្រជុំ គឺដើម្បីប្រមូលធាតុចូល និងពិភាក្សាលើផែនទីបង្ហាញផ្លូវ ក្នុងការជំរុញតួនាទីរបស់ស្ត្រីក្នុងវិស័យសន្តិភាព និងសន្តិសុខឱ្យកាន់តែមានប្រសិទ្ធភាព និងទូលំទូលាយ។

ប្រភព៖ ការិយាល័យជំនួយការគណៈកម្មការទី៦ព្រឹទ្ធសភា