khmer eng
  • ឯកឧត្តម ប្រាក់ ចំរើន អនុ​ប្រធាន​ក្រុម​សមាជិក​ព្រឹទ្ធសភា​ប្រចាំ​ភូមិ​ភាគ​ទី៣ បាន​អញ្ជើញ​សំណេះ​សំណាល​សួរ​សុខ​ទុក្ខ និង​នាំ​យក​អំណោយ​សម្រាប់​ផ្តល់​ជូន​បង​ប្អូន​ប្រជា​ពលរដ្ឋ ដែល​កំពុង​ធ្វើ​ចត្តាឡីស័ក និង​ជួប​ការ​លំបាក ចំនួន ៣០គ្រួសារ
     
    ចែករំលែក ៖

    នាព្រឹកថ្ងៃព្រហស្បតិ៍ទី២៧ ខែឧសភា ឆ្នាំ២០២១ ឯកឧត្តម ប្រាក់ ចំរើន អនុប្រធានគណៈកម្មការទី៨ ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៣ បានអញ្ជើញសំណេះសំណាលសួរសុខទុក្ខ និងនាំយកអំណោយសម្រាប់ផ្តល់ជូនបងប្អូនប្រជាពលរដ្ឋ ដែលកំពុងធ្វើចត្តាឡីស័ក និងជួបការលំបាក ចំនួន ៣០គ្រួសារ ក្នុងឃុំដំណាក់អំពិល ស្រុកអង្គស្នួល ខេត្តកណ្តាល។

    បន្ទាប់ពីស្តាប់ការរាយការណ៍របស់លោកស្រីមេឃុំរួចមក ឯកឧត្តម បានមានប្រសាសន៍ពាំនាំនូវការសាកសួរសុខទុក្ខពីសំណាក់ថ្នាក់ដឹកនាំព្រឹទ្ធសភា ពិសេសសម្តេចវិបុលសេនាភក្តីប្រធានព្រឹទ្ធសភា ជូនចំពោះអាជ្ញាធរ ក៏ដូចជាបងប្អូនក្នុងឃុំទាំងមូល និងបានមានមតិផ្តាំផ្ញើរដល់អាជ្ញាធរ÷
    -ត្រូវបន្តអនុវត្តន៍ និងបង្កើនការផ្សព្វផ្សាយដល់បងប្អូនប្រជាពលរដ្ឋក្នុងមូលដ្ឋាន ជាពិសេសបងប្អូនអាជីវករលក់ដូរ និងក្មួយៗកម្មករ កម្មការិនីរោងចក្រ ត្រូវបន្តអនុវត្តនូវសេចក្តីណែនាំរបស់ក្រសួងសុខាភិបាល និងសម្តេចតេជោនាយករដ្ឋមន្រ្តីនូវវិធានការ ៣កុំ ៣ការពារ និង២ចូលរួម ។
    -អាជ្ញាធរ ត្រូវយកចិត្តទុកដាក់ចំពោះការស្នាក់នៅ ចំណីអាហារដល់បងប្អូន ដែលកំពុងធ្វើចត្តាឡីស័កនៅតាមគេហដ្ឋានក្នុងឃុំ។
    -ត្រូវយកចិត្តទុកដាក់បន្ថែមទៀតចំពោះការផ្តល់សេវាសាធារណ:ជូនបងប្អូនក្នុងមូលដ្ឋាន និងត្រូវថែរក្សាសុវត្ថិភាព និងសុខភាពបងប្អូនទាំងអស់គ្នា
    ជាចុងបញ្ចប់ឯកឧត្តមបានជូនពរដល់ក្រុមការងារទាំងអស់ត្រូវថែរក្សាសុវត្ថិភាព និងសុខភាពរបស់ខ្លួនដោយការបរិភោគអាហារអោយបានគ្រប់គ្រាន់ អោយមានសុខភាពល្អជៀសឆ្ងាយពីជំងឺកូវីដ-១៩ ដើម្បីបន្តបម្រើសេវាជូនប្រជាពលរដ្ឋក្នុងមូលដ្ឋាន ក្នុងការរួមចំណែកអភិវឌ្ឍន៍ប្រទេសជាតិអោយសម្រេចបានជោគជ័យ បន្ថែមទៀត។
    អំណោយដែលប្រគល់ជូននាពេលនោះរួមមាន ក្នុងមួយគ្រួសារទទួលបាន:
    – អង្ករចំនួន ១បាវ
    – មីចំនួន ១កេស
    -ទឹកសុទ្ធ ១កេស
    – ត្រីខកំប៉ុងចំនួន ១យួរ
    -ទឹកត្រី ទឹកស៊ីអ៊ីវ ចំនួន ១យួរ
    – ម៉ាស់ចំនួន ១ប្រអប់
    ដោយឡែក មួយគ្រួសារដែលភរិយាបានទទួលមរណៈភាពដោយសារជំងឺកូវីដ-១៩ ឯកឧត្តម ក៏បានចូលបុណ្យបន្ថែមចំនួន១០០ដុល្លារផងដែរ ។
    ឯកឧត្តម បានផ្តល់ថវិកាចំនួន ២,០០០ដុល្លារ ជូនលោកស្រីមេឃុំ (១,០០០ដុល្លារសម្រាប់សាងសង់រោងបុណ្យប្រើប្រាស់រួម និង១,០០០ដុល្លារ សម្រាប់ទូទាត់ការចំណាយផ្សេងៗកន្លងមក)។


    អត្ថបទពាក់ព័ន្ធ
       អត្ថបទថ្មី
    thumbnail
     
    ឯកឧត្តម អ៊ុំ សារឹទ្ធ អញ្ជើញចូលរួមកិច្ចប្រជុំគណៈកម្មាធិការអចិន្ត្រៃយ៍នៃបណ្តាញហ្វ្រង់កូហ្វូនសីលធម៌ និងក្រមសីលធម៌សមាជិកសភា តាមប្រព័ន្ធនិម្មិត
    thumbnail
     
    ក្រុមសមាជិក ព្រឹទ្ធសភា បានអញ្ជើញចូលរួមជាកិត្តិយសក្នុងពីធីបុណ្យមាឃបូជា ក្រោមអធិបតីភាពដ៏ខ្ពង់ខ្ពស់ ឯកឧត្តម ហ៊ុន ម៉ានី
    thumbnail
     
    គណៈប្រតិភូគណៈកម្មការទី១ព្រឹទ្ធសភា អញ្ជើញជួបពិភាក្សាការងារជាមួយថ្នាក់ដឹកនាំ និងមន្ត្រីពន្ធនាគារខេត្តសៀមរាប
    thumbnail
     
    សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រ កម្ពុជា ផ្ញើសារលិខិតជូនពរ ឯកឧត្តមបណ្ឌិត ធន់ វឌ្ឍនា អនុប្រធានទី២ ព្រឹទ្ធសភា នៃព្រះរាជាណាចក្រកម្ពុជា ក្នុងឱកាសខួបចម្រើនជន្មាយុ
    thumbnail
     
    លិខិតថ្លែងអំណរគុណរបស់សម្តេចអគ្គមហាសេនាបតីតេជោ ហ៊ុន សែន ជូនចំពោះ អ្នកឧកញ៉ា សំ អាង​ និងអ្នកឧកញ៉ា ឈុន លាង ដែលចូលរួមវិភាគទានជាថវិកាសម្រាប់សាងសង់អគារនៃសាកលវិទ្យាល័យសម្តេចព្រះមហាសង្ឃរាជ បួរ គ្រី