នាព្រឹកថ្ងៃសៅរ៍ ១៥រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែឧសភា ឆ្នាំ២០២៦ ក្រុមសមាជិកព្រឹទ្ធសភាប្រចាំភូមិភាគទី៧ និងគណៈកម្មការទី៣ព្រឹទ្ធសភា ដឹកនាំដោយ ឯកឧត្តមបណ្ឌិត ម៉ុង ឫទ្ធី ប្រធានក្រុម និងជាប្រធានគណៈកម្មការទី៣ព្រឹទ្ធសភា បានអញ្ជើញជាអធិបតីក្នុងពិធីដាំដូងប្រេងជំនាន់ទី២ ឆ្នាំ២០២៦ ជានិមិត្តរូប លើផ្ទៃដី ៥៧៩ហិកតា ស្មើនឹង ៩២ ៦៤០ ដើម នៅភូមិតាពៅ ឃុំតានៃ ស្រុកព្រៃនប់ ខេត្តព្រះសីហនុ។
ពិធីនេះ មានការអញ្ជើញចូលរួមពីអ្នកឧកញ៉ា ទៀ វិចិត្រ, ថ្នាក់ដឹកនាំក្រុមហ៊ុន ម៉ុង ឫទ្ធី គ្រុប, ថ្នាក់ដឹកនាំស្រុកព្រៃនប់, លោកមេឃុំតានៃ, មេឃុំស្ទឹងឆាយ, មេឃុំជេីងគោ, មេឃុំកែវផុស, អ្នកកាសែតមកពីស្ថាប័នផ្សេងៗ និងកម្មករ សរុបចំនួន ៣៥១នាក់ ។
ក្នុងឱកាសនោះ ក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញទស្សនាការបង្ហាញពីខ្សែសង្វាក់ផលិតកម្មនៃផ្លែដូងប្រេងចាប់តាំងពីការរេីសពូជ រហូតដល់ទិន្នផលសម្រេច និងបានដាំដូងប្រេងជានិមិត្តរូប ព្រមទាំងមានមតិសំណេះសំណាលជាមួយកម្មករដូងប្រេងផងដែរ។
នាឱកាសនោះផងដែរ ឯកឧត្តមបណ្ឌិត ម៉ុង ឫទ្ធី ក៏បានឧបត្ថម្ភកម្មករក្នុងនាក់ចំនួន ៣ម៉ឺនរៀល សរុបចំនួន ៧ ០៨០ ០០០រៀល និងសរុបការចំណាយរៀបចំកម្មវិធីទាំងអស់ចំនួន ២៤ ៧៥០ ០០០រៀល។
ប្រភព៖ នាយកដ្ឋានព័ត៌មាន
