ក្រុមសមាជិកព្រឹទ្ធសភាប្រចាំភូមិភាគទី៦ (ខេត្តព្រៃវែង និងខេត្តស្វាយរៀង) ដឹកនាំដោយលោកជំទាវ មាន សំអាន ប្រធានក្រុម និងជាប្រធានគណៈកម្មការទី៨ព្រឹទ្ធសភា បានអញ្ជើញចុះពិនិត្យមើលវឌ្ឍនភាពនៃដំណើរការសាងសង់អគារសិក្សាថ្មី និងសមិទ្ធផលនានានៃសាលាបឋមសិក្សាអំពិលក្រៅ ដែលស្ថិតនៅក្នុងភូមិអំពិលក្រៅ ឃុំអំពិលក្រៅ ស្រុកស៊ីធរកណ្តាល ខេត្តព្រៃវែង នារសៀលថ្ងៃសៅរ៍ ១៥រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៦ ខែឧសភា ឆ្នាំ២០២៦។

សូមជម្រាបថា អគារសិក្សាថ្មី១ខ្នងនេះ មានទំហំ ៩m x ៤០m មាន៥បន្ទប់ និងសាងសង់ទីចាត់ការថ្មីទំហំ១០m x ៧m ត្រូវបានប្រារព្ធពិធីបញ្ចុះបឋមសិលាបើកការដ្ឋានសាងសង់ កាលពីថ្ងៃទី១ ខែឧសភា ឆ្នាំ២០២៦ ហើយគ្រោងនឹងបញ្ចប់ការសាងសង់នៅដំណាច់ចុងខែតុលា ឆ្នាំ២០២៦ និងមានសមិទ្ធផលផ្សេងៗទៀតរួមមាន៖ ការកែនិងដំឡើងកម្ពស់អគារចាស់មាន៣បន្ទប់ ឱ្យមានកម្ពស់បាត និងកម្ពស់ដំបូលស្មើអគារថ្មី កែលំអរនិងធ្វើថ្មីនូវរបងប្រវែង៤៥m និងក្លោងទ្វារមុខថ្មី៩m មានកម្ពស់៨,៣m ផ្លូវដើរខាងក្នុងសាលាចាក់ថ្មម៉ិច រៀបសួនច្បារ និងសាងសង់បន្ទប់ទឹកថ្មី៤បន្ទប់ ចំនួន២ខ្នង ដោយមាន១ខ្នងទំហំ ៣,១m x ៣m មាន២បន្ទប់ផងដែរ…។

ប្រភព៖ នាយកដ្ឋានព័ត៌មាន