ឯកឧត្តម ងី ច័ន្ទ្រផល ប្រធានគណៈកម្មការគណៈកម្មការសិទ្ធិមនុស្ស ទទួលពាក្យបណ្តឹង និងអង្កេត នៃព្រឹទ្ធសភា (គណៈកម្មការទី១) បានដឹកនាំកិច្ចប្រជុំពិនិត្យពិភាក្សាត្រៀមរៀបចំពិធីអបអរសាទរទិវាកុមារអន្តរជាតិ ១មិថុនា ខួបលើកទី៧៧ ទិវាពិភពលោកប្រឆាំងនឹងពលកម្មកុមារ ១២មិថុនា និងទិវាកុមារកម្ពុជាឆ្នាំ២០២៦ នៅខេត្តបាត់ដំបង នាពេលខាងមុខ។
កិច្ចប្រជុំខាងលើនេះ ប្រព្រឹត្តទៅដោយមានការអញ្ជើញចូលរួមពីសមាជិកគណៈកម្មការទី១ ក្រុមសមាជិកព្រឹទ្ធសភាប្រចាំភូមិភាគទី៤ និងតំណាងអង្គការការីតាស នៅបន្ទប់ប្រជុំគណៈកម្មការទី១ព្រឹទ្ធសភា នារសៀលថ្ងៃព្រហស្បតិ៍ ៥កើត ខែជេស្ឋ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២១ ខែឧសភា ឆ្នាំ២០២៦…។
ប្រភព៖ នាយកដ្ឋានព័ត៌មាន
