នាថ្ងៃទី២១ ខែឧសភា ឆ្នាំ២០២៦ លោកជំទាវបណ្ឌិត អ៊ុក ម៉ាលី សមាជិកាគណៈកម្មការទី២ ព្រឹទ្ធសភា បានអញ្ជើញអមដំណើរសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា អញ្ជើញចុះជួបសំណេះសំណាល សួរសុខទុក្ខ និងផ្តល់អំណោយមនុស្សធម៌ជូនបងប្អូនអតីតយុទ្ធជន និងនិវត្តជនចំនួន ១,១៦៩គ្រួសារ រស់នៅភូមិប៊ុនរ៉ានីសែនជ័យដំណាក់ទ្រយឹង ស្ថិតក្នុងឃុំព្រងិល ស្រុកភ្នំក្រវាញ ខេត្តពោធិ៍សាត់។
អំណោយផ្តល់ជូនបងប្អូនអតីតយុទ្ធជន និងនិវត្តជន ក្នុងមួយគ្រួសារៗទទួលបាន៖ អង្ករ៣០គីឡូក្រាម, មី១កេស, ត្រីខ១០កំប៉ុង, ទឹកស៊ីអ៉ីវ៦ដប, ទឹកត្រី ៦ដប, ប្រេងឆា២ដប, សាប៊ូកក់សក់២ ដប, ភេសជ្ជៈប៉ូការីស្វេត៦កំប៉ុង, ឃីត (សារុង ក្រមា មុង ភួយ) ១កញ្ចប់ និងថវិកា ៥០.០០០រៀល។ ដោយឡែក សិស្សានុសិស្សនៃសាលាបឋមសិក្សា និងអនុវិទ្យាល័យ ប៊ុនរ៉ានីសែនជ័យដំណាក់ទ្រយឹង ចំនួន៣១៧នាក់ (ស្រី១៦១នាក់) ក្នុងម្នាក់ៗទទួលបាន សៀវភៅ២ក្បាល, ប៊ិក១ដើម និងថវិកា ១០.០០០រៀល ដែលជាអំណោយរបស់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន។
បន្ទាប់មក សម្តេចកិត្តិព្រឹទ្ធបណ្ឌិត បានអញ្ជើញកាត់ខ្សែបូ សម្ពោធប្រគល់ផ្ទះថ្មីចំនួន ១០០ខ្នង និងអណ្តូងចំនួន ១២៥អណ្តូង បន្ថែមទៀត ជូនបងប្អូនអតីតយុទ្ធជននៅភូមិប៊ុនរ៉ានីសែនជ័យដំណាក់ទ្រយឹង ដែលសរុបផ្ទះ និងអណ្តូងជាអំណោយរបស់កាកបាទក្រហមកម្ពុជា មានផ្ទះចំនួន ៧២៨ខ្នង និងអណ្តូងចំនួន ៤១៥អណ្តូង ព្រមទាំងបានបន្តអញ្ជើញចុះសួរសុខទុក្ខដោយផ្ទាល់តាមខ្នងផ្ទះគំរូចំនួន២ខ្នង ដើម្បីបានដឹងពីសុខទុក្ខ និងជីវភាពរស់នៅរបស់ក្រុមគ្រួសារអតីតយុទ្ធជន និងនិវត្តជន ក៏ដូចជាបង្កើតបានជាទិដ្ឋភាពដ៏ស្និទ្ធស្នាល និងកក់ក្តៅជាទីបំផុត។
ប្រភព៖ ការិយាល័យជំនួយការគណៈកម្មការទី២ព្រឹទ្ធសភា
