នាព្រឹកថ្ងៃទី៣១ ខែឧសភា ឆ្នាំ២០២៦ លោកជំទាវ ឃួន ឃុនឌី លេខាធិការគណៈកម្មការទី៨ព្រឹទ្ធសភា និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ផ្លូវក្រាលកៅស៊ូ១ខ្សែប្រវែង៤,៣០០ម៉ែត្រ ទទឹង៦ម៉ែត្រ ដែលមានទីតាំងពីភូមិសំពៅមាស ភូមិសាន់គ(ខ) ឃុំសាន់គ ស្រុកកំពង់ស្វាយ ខេត្តកំពង់ធំ អមដំណើរដោយ លោកជំទាវ យស ថានារី អ្នកតំណាងរាស្ត្រមណ្ឌលកំពង់ធំ លោកប្រធានក្រុមប្រឹក្សាស្រុក លោកអភិបាលស្រុក លោក លោកស្រីសមាជិកក្រុមប្រឹក្សាស្រុក លោក លោកស្រីអភិបាលរងស្រុក និងមន្ត្រីរដ្ឋបាលសាលាស្រុកកំពង់ស្វាយ កងកម្លាំងទាំង៣ក្នុងស្រុក អាជ្ញាធរឃុំ មេភូមិ អនុភូមិ ព្រមទាំងប្រជាពលរដ្ឋចូលរួមសរុបចំនួន៣២៤នាក់ ស្ថិតនៅភូមិសំពៅមាស ឃុំសាន់គ ស្រុកកំពង់ស្វាយ ខេត្តកំពង់ធំ។
ក្នុងឱកាសនោះ លោកជំទាវបាននាំនូវប្រសាសន៍ផ្តាំផ្ញើសួរសុខទុក្ខពីសំណាក់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា សម្តេចកិត្តិព្រឹទ្ធបណ្ឌិត ព្រមទាំងថ្នាក់ដឹកនាំព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងលោកជំទាវបណ្ឌិត ដែលតែងតែគិតគូរពីសុខទុក្ខបងប្អូនប្រជាពលរដ្ឋ។ លោកជំទាវបានបន្តមានប្រសាសន៍ថា កត្តាដែលនាំឱ្យយើងបានធ្វើពិធីសម្ពោធនេះឡើង ក៏ដោយសារប្រទេសជាតិយើងមានសុខសន្តិភាព ស្ថិរភាពនយោបាយ មានការអភិវឌ្ឍរីកចម្រើនគ្រប់វិស័យ ដូចច្នេះហើយយើងទាំងអស់គ្នាត្រូវរួមគ្នាថែរក្សាសុខសន្តិភាពជារៀងរហូតតទៅ ហើយត្រូវជឿជាក់លើការដឹកនាំរបស់រាជរដ្ឋាភិបាលរបស់យើង ។
នាឱកាសនោះ លោកជំទាវបានឧបត្ថម្ភនូវ៖
-ថវិកាមួយចំនួនដល់រដ្ឋបាលឃុំសម្រាប់ចាត់ចែងកម្មវិធី
-ប្រជាពលរដ្ឋចំនួន៣០០នាក់ ម្នាក់ៗ
ទទួលបានក្រមា១
-ឧបត្ថម្ភកាត់ខ្សែបូនូវថវិកាមួយចំនួន។​

ប្រភព​៖ ជំនួយការ​លោកជំទាវ ឃួន ឃុនឌី​
សម្រួលខ្លឹមសារ៖ នាយកដ្ឋាន​ព័ត៌មាន​