khmer eng
  • ឯកឧត្តម ម៉ុម ជឹមហ៊ុយ បាន​អញ្ជើញ​ចុះ​ជួប​សំណេះ​សំណាល និង​ពិភាក្សា​ការងារ​ជាមួយ​លោក ម៉ម វាសនា ប្រធាន​មន្ទីរ​ទេសចរណ៍​រាជធានី​ភ្នំពេញ
     
    ចែករំលែក ៖

    ព្រឹកថ្ងៃសុក្រ ៩រោច ខែជេស្ឋ ឆ្នាំឆ្លូវ ត្រីស័ក ពុទ្ធសករាជ ២៥៦៥ ត្រូវនឹងថ្ងៃទី៤ ខែឧសភា ឆ្នាំ២០២១ ឯកឧត្តម ម៉ុម ជឹមហ៊ុយ ប្រធានគណៈកម្មការទី៧ និងជាអនុប្រធានក្រុមសមាជិកព្រឹទ្ធសភា ប្រចាំភូមិភាគទី១ អមដំណើរដោយឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា បានអញ្ជើញចុះជួបសំណេះសំណាល និងពិភាក្សាការងារជាមួយលោក ម៉ម វាសនា ប្រធានមន្ទីរទេសចរណ៍រាជធានីភ្នំពេញ ដើម្បីស្វែងយល់ពីវឌ្ឍនភាពការងារ បញ្ហាប្រឈម និងទិសដៅអនុវត្តន៍បន្ត នៅមន្ទីរទេសចរណ៍រាជធានីភ្នំពេញ ស្ថិតក្នុងសង្កាត់ស្រះចក ខណ្ឌដូនពេញ។ បន្ទាប់ពីបានស្តាប់របាយការណ៍រួចមក ឯកឧត្តមប្រធាន បានថ្លែងកោតសរសើរដល់ថ្នាក់ដឹកនាំ និងមន្ត្រីរាជការដែលបានខិតខំបំពេញការងារយ៉ាងសកម្មនាពេលកន្លងមក ពិសេសបានដាក់ចេញនូវវិធានការនានាជាច្រើនដើម្បីបង្ការ និងទប់ស្កាត់ការីករាលដាលជំងឺកូវីដ-១៩ បានទាន់ពេលវេលា និងផ្តល់នូវអនុសាសន៍គន្លឹះសំខាន់ៗមួយចំនួនដូចខាងក្រោម ៖
    ១-ត្រូវធ្វើការការពារអាយុជីវិតប្រជាពលរដ្ឋ ធ្វើការអប់រំឱ្យចូលរួមចាក់វ៉ាក់សាំងបង្កើនភាពសាំឱ្យបានគ្រប់គ្នាតាមគោលការណ៍ស័្មគ្រចិត្ត
    ២-ត្រូវចេះប្រែក្លាយការលំបាក ឱ្យទៅជាឱកាស ដោយធ្វើការពង្រឹងសន្តិសុខ សេដ្ឋកិច្ច និងសង្គមឱ្យកាន់តែរឹងមាំដើម្បីបង្កើនភាពជឿជាក់ក្នុងការដឹកនាំរបស់រាជរដ្ឋាភិបាល និងមានការប្រុងប្រយ័ត្នគ្រប់ពេលវេលា
    ៣-ធ្វើការរៀបចំផែនការទេសចរណ៍តាមបរិបទថ្មីក្នុងស្ថានភាពកូវីដ-១៩ ឱ្យកាន់តែប្រសើរ ដោយបន្តគិតគូរសណ្តាប់ធ្នាប់ និងបរិស្ថានឱ្យបានល្អ ដើម្បីឱ្យមានការអភិវឌ្ឍជាបន្ទាប់បន្ត
    ៤-ត្រូវធ្វើការប្តូរឥរិយាបថក្នុងបរិបទថ្មីដោយធ្វើការរស់នៅតាមបែបគន្លងថ្មី និងបន្តគោរពតាមការណែនាំរបស់ក្រសួងសុខាភិបាល និងសម្តេចអគ្គមហាសេនាបតីតេជោ នាយករដ្ឋមន្ត្រី នូវអនុវត្តន៍វិធានការ ៣ការពារ និង៣កុំ។ ក្នុងឱកាសនោះ ឯកឧត្តមប្រធាន បានឧបត្ថម្ភថវិកាមួយចំនួនផងដែរ៕


    អត្ថបទពាក់ព័ន្ធ
       អត្ថបទថ្មី
    thumbnail
     
    សមាជិកសមាជិកានៃគណៈកម្មការជំនាញទាំង១០ របស់ព្រឹទ្ធសភា អញ្ជើញចូលរួមក្នុងពិធីបើកផ្លូវការនៃកិច្ចប្រជុំប្រចាំឆ្នាំលើកទី៥ នៃក្រុមប្រឹក្សាពិគ្រោះយោបល់អាយប៉ាស្តីពីគ្រឿងញៀន
    thumbnail
     
    សារលិខិតអបអរសារទររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា គោរពជូនឯកឧត្តម Vuong Dinh Hue ប្រធានរដ្ឋសភា នៃសាធារណរដ្ឋសង្គមនិយមវៀតណាម ក្នុងឱកាសនៃការប្រារព្ធខួបអនុស្សាវរីយ៍លើកទី៥៥ នៃថ្ងៃបង្កើតទំនាក់ទំនងការទូតរវាងព្រះរាជាណាចក្រកម្ពជា ជាមួយសាធារណរដ្ឋសង្គមនិយមវៀតណាម
    thumbnail
     
    ក្រុមសមាជិកគណៈកម្មការទី៧ ព្រឹទ្ធសភា បានអញ្ជើញប្រជុំ ដើម្បីពិនិត្យ និងពិភាក្សាកែសម្រួលខ្លឹមសារឯកសារត្រៀមដំណើរចុះបំពេញបេសកកម្មនៅខេត្តព្រះសីហនុ
    thumbnail
     
    សារលិខិតជូនពររបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា គោរពជូនសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសដែលសាលាដំបូងរាជធានីភ្នំពេញបានសម្រេចកែតម្រូវ ថ្ងៃ-ខែ-ឆ្នាំ កំណើតរបស់សម្តេចនាយករដ្ឋមន្ត្រី ទៅជា ថ្ងៃ-ខែ-ឆ្នាំ កំណើតពិតប្រាកដ
    thumbnail
     
    ឯកឧត្តម ម៉ាន់ ឈឿន បានអញ្ជើញចុះជួបសំណេះសំណាលជាមួយក្រុមមន្ត្រីនគរបាល និងប្រជាការពារ ដែលប្រចាំការក្នុងភូមិសាស្ត្រសង្កាត់អូរបែកក្អម ខណ្ឌសែនសុខ រាជធានីភ្នំពេញ