នៅថ្ងៃសៅរ៍ ១០រោច ខែជេស្ឋ ឆ្នាំឆ្លូវ ត្រីស័ក ព.ស ២៥៦៤ ត្រូវថ្ងៃទី ០៥ ខែមិថុនា ឆ្នាំ២០២១ ឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ ព្រឹទ្ធសភា និងលោកជំទាវ អមដំណើរដោយឯកឧត្តម ជា ជេដ្ឋ ប្រធានគណៈកម្មការទី២ ព្រឹទ្ធសភា និងក្រុមការងារ បានអញ្ជើញចុះពិនិត្យសមិទ្ធផល ដែលបានកសាងកន្លងមកព្រមទាំងនាំយកថវិកាទូទាត់សងថ្លៃសំណង់ នៅវត្តទេពនិម្មិត ហៅវត្តអញ្ចាញ ស្ថិតឃុំក្របៅ ស្រុកកំចាយមារ ខែត្តព្រៃវែង នៅថ្ងៃដដែលនោះដែរ លោកជំទាវ អ៊ុ សំ ស៊ឹម កា ជាភរិយាឯកឧត្តមកិត្តិនីកោសលបណ្ឌិតអនុប្រធានទី១ ព្រឹទ្ធសភា អមដោយក្រុមការងារ បានបន្តនាំយកបច្ច័យ និងទេយ្យរួមមានគ្រឿងឧបភោគទៅប្រគេនជូនព្រះសង្ឃចំនួន ២វត្ត គឺវត្តទឹកដាច់ និងវត្តជ័យមុនី ទៀតនៅក្នុងឃុំគោកគង់កើត ស្រុកកញ្ច្រៀច ខែត្តព្រៃវែង ៕