នៅល្ងាចថ្ងៃទី ១០ ខែតុលា ឆ្នាំ២០២៤ យោងតាមការណែនាំដ៏ខ្ពង់ខ្ពស់បំផុតរបស់ ឯកឧត្តមអនុប្រធានទី១ នៃព្រឹទ្ធសភា ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការទី៥ ព្រឹទ្ធសភាបានដឹកនាំសមាជិក សមាជិកាគណៈប្រតិភូព្រឹទ្ធសភាកម្ពុជា ឯកឧត្តម ម៉ាន់ ឈឿន អនុប្រធានគណៈកម្មការទី៧ នៃព្រឹទ្ធសភា និងលោកជំទាវ មុំ សណ្តាប់ សមាជិកាគណៈកម្មការទី៦ នៃព្រឹទ្ធសភាអញ្ជើញពិសារអាហារការងារពេលល្ងាច តាមសេចក្តីអញ្ជើញរបស់ ឯកឧត្តម Gusty GRAAS តំណាងរាស្រ្ត និងជាប្រធានគណៈកម្មការកិច្ចការបរទេស អឺរ៉ុប កិច្ចសហប្រតិបត្តិការ អន្តោប្រវេសន៍ និង Grande région នៃសភាតំណាងរាស្រ្តលុចសំបួគ ដោយមានការអញ្ជើញចូលរួមផងដែរពីសមាជិក/សមាជិកានៃគណៈកម្មការកិច្ចការបរទេសមួយចំនួនទៀតតំណាងឲ្យគណ:បក្សខុសៗគ្នានៃសភាតំណាងរាស្រ្តលុចសំបួគ៕