ឯកឧត្តមបណ្ឌិត ចែម វីឌ្យ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃព្រឹទ្ធសភា (គណៈកម្មការទី៥) បានអនុញ្ញាតឱ្យលោកស្រី Angela Corcoran ឯកអគ្គរដ្ឋទូតអូស្ត្រាលីប្រចាំប្រទេសមីយ៉ាន់ម៉ា ចូលជួបសម្តែងការគួរសម និងពិភាក្សាការងារ ក្នុងឱកាសដែលលោកស្រីអញ្ជើញបំពេញទស្សកិច្ចនៅព្រះរាជាណាចក្រកម្ពុជា។
ជំនួបនេះ គឺជាការផ្លាស់ប្តូរទស្សនៈ សភាពការណ៍វិវត្តថ្មីៗនៅមីយ៉ាន់ម៉ា និងតួនាទីរបស់អាស៊ាន ព្រមទាំងសេចក្តីផ្តើមគំនិតក្នុងតំបន់ផ្សេងៗទៀត ដើម្បីដោះស្រាយបញ្ហានៅមីយ៉ាន់ម៉ា។
ជំនួបខាងលើនេះ ប្រព្រឹត្តទៅនៅបន្ទប់ប្រជុំគណៈកម្មការទី៥ព្រឹទ្ធសភា ថ្ងៃចន្ទ ទី០៣ ខែកុម្ភៈ ឆ្នាំ២០២៥ វេលាម៉ោង ១១:០០នាទី ដោយមានការចូលរួមពីស្ថានទូតអូស្រ្តាលីនៅភ្នំពេញ និងតំណាងក្រសួងការបរទេស និងសហប្រតិបត្តិការអន្តរជាតិ…។
ប្រភព៖ នាយកដ្ឋានព័ត៌មាន
