នារសៀលថ្ងៃអង្គារ ទី២៩ ខែកក្កដា ឆ្នាំ២០២៥ លោកជំទាវ មាន សំអាន ប្រធានគណៈកម្មការទី៨ព្រឹទ្ធសភា អមដោយសមាជិកាព្រឹទ្ធសភា និងមន្ត្រី នៃអគ្គលេខាធិកាដ្ឋានព្រឹទ្ធសភា បានអញ្ជើញនាំយកសម្ភាររួមមាន ខ្ទឹមស ខ្ញី ទឹកឃ្មុំ ក្រូចឆ្មា និងស្បៀងអាហារបម្រុង ប្រគល់ជូនអធិការដ្ឋាននគរបាលស្រុកចុងកាល់ដើម្បីយកទៅឱ្យកងទ័ពជួរមុខ និងបន្តចុះសួរសុខទុក្ខប្រជាពលរដ្ឋភៀសសឹក នៅជំរុំវត្តបាត់ថ្កៅ ស្ថិតនៅភូមិបាត់ថ្កៅ ឃុំចុងកាល់ ស្រុកចុងកាល់ ខេត្តឧត្តរមានជ័យ។
ក្នុងឱកាសចុះជួបសំណេះសំណាល លោកជំទាវ បានអំពាវនាវឱ្យប្រជាពលរដ្ឋទាំងអស់ ត្រូវជឿទុកចិត្តទៅលើថ្នាក់ដឹកនាំ និងតស៊ូ អត់ធ្មត់ រួមគ្នាសាមគ្គីគ្នាឱ្យបានរឹងមាំជាធ្លុងមួយក្នុងគ្រាដ៏លំបាកនេះ ដែលប្រទេសកំពុងជួបប្រទះសង្រ្គាមឈ្លានពានពីបរទេស (សៀម)។
ប្រភព៖ ការិយាល័យជំនួយការគណៈកម្មការទី៨ព្រឹទ្ធសភា
