ឯកឧត្តម អ៊ុំ សារឹទ្ធ នាំយកអំណោយប្រគល់ជូនអាជ្ញាធរសង្កាត់ក្នុងខណ្ឌជ្រោយចង្វារ ទុកចែកជូនប្រជាពលរដ្ឋខ្វះខាត ======= នាព្រឹកថ្ងៃសៅរ៍ ទី១២ ខែមិថុនា ឆ្នាំ២០២១ ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា បានអញ្ជើញជួបសំណេះសំណាល សួរសុខទុក្ខ និងនាំយកអំណោយទៅប្រគល់ជូនអាជ្ញធរសង្កាត់ព្រែកលៀប សង្កាត់ព្រែកតាសេក និងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ដើម្បីទុកជូនអាជ្ញាធរសង្កាត់ចែកជូនប្រជាពលរដ្ឋដែលមានជីវភាពខ្វះខាត និងប្រជាពលរដ្ឋដែលរងគ្រោះដោយជំងឺកូវីដ-១៩។
អំណោយដែលយកទៅប្រគល់ជូនអាជ្ញាធរសង្កាត់ទាំងបីនោះ ក្នុងមួយសង្កាត់ទទួលបាន៖ អង្ករចំនួន ១.០០០ គីឡូក្រាម មីចំនួន១០០កេស ទឹកត្រីចំនួន ៤០យួរ ទឹកស៊ីអីុវចំនួន៤០យួរ និងថវិកាមួយចំនួន៕
