គណៈកម្មការទី១ព្រឹទ្ធសភា ជួបពិភាក្សាការងារជាមួយមន្ទីរកសិកម្មរុក្ខាប្រមាញ់ និងរដ្ឋបាលព្រៃឈើខេត្តឧត្តរមានជ័យ
នារសៀលថ្ងៃទី២៨ ខែធ្នូ ឆ្នាំ២០២១ នៅសាលប្រជុំមន្ទីរមន្ទីរកសិកម្មរុក្ខាប្រមាញ់ និងរដ្ឋបាលព្រៃឈើខេត្តឧត្តរមានជ័យ គណៈកម្មការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (ហៅកាត់គណៈកម្មការទី១) ដឹកនាំដោយឯកឧត្តម យ៉ង់ សែម ប្រធានគណៈកម្មការ បានអញ្ជើញជួបពិភាក្សាការងារជាមួយនឹងថ្នាក់ដឹកនាំមន្ទីរកសិកម្មរុក្ខាប្រមាញ់ និងរដ្ឋបាលព្រៃឈើសំរោង ដឹកនាំដោយលោក សូត្រ ស៊ីសុខឃាង ប្រធានមន្ទីរកសិកម្មរុក្ខាប្រមាញ់ ដើម្បីឈ្វេងយល់អំពីការអនុវត្តការងារនាពេលកន្លងទៅ បញ្ហាប្រឈម និងសំណូមពរនានារបស់រមន្ទីរ ព្រមទាំងស្តាប់ការបំភ្លឺអំពីការដោះស្រាយពាក្យបណ្តឹងរបស់ប្រជាពលរដ្ឋចំនួន៦៥៤គ្រួសារ ទាក់ទងនឹងករណីដីធ្លី នៅសង្កាត់សំរោង ក្រុងសំរោង និងឃុំពង្រ ស្រុកចុងកាល់ ខេត្តឧត្តរមានជ័យ ដោយមានការអញ្ជើញចូលរួមពីតំណាងក្រុមមេធាវីស្ម័គ្រចិត្តសម្តេចតេជោសែន៕
