នៅព្រឹកថ្ងៃទី៣០ ខែមីនា ឆ្នាំ២០២២ លោកជំទាវ សួន ពុធថាវី អគ្គនាយិកានៃអគ្គនាយកដ្ឋានស្រាវជ្រាវ និងជាប្រធានគណៈកម្មការសាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍នៃអគ្គលេខាធិការដ្ឋានព្រឹទ្ធសភា បានអញ្ជើញចុះសួរសុខទុក្ខ និងនាំយកអំណោយរបស់ឯកឧត្តម អ៊ុំ សារឹទ្ធ អគ្គលេខាធិការព្រឹទ្ធសភា ជូនអ្នកស្រី ហេង សុភី ដែលទទួលរងគ្រោះដោយសារប្តីជះទឹកអាស៊ីតលើរាងកាយ ព្រមទាំងមានជីវភាពខ្វះខាត និងមានកូនក្នុងបន្ទុកចំនួន៦នាក់ កំពុងសម្រាកព្យាបាលជំងឺនៅផ្ទះ ស្ថិតនៅភូមិបាក់ខែងលើសង្កាត់បាក់ខែង ខណ្ឌជ្រោយចង្វារ រាជធានីភ្នំពេញ។
អំណោយទាំងអស់នោះរួមមាន៖ អង្ករ២បាវ ស្មើនឹង១០០គីឡូក្រាម មី២កេស ត្រីខ៤យូរ ត្រីងៀត២គីឡូក្រាម សាច់ក្រក២គីឡូក្រាម
និងទឹកផ្លែឈើ២កេស ព្រមទាំងថវិកា៣លានរៀល។