នៅព្រឹកថ្ងៃសុក្រ ៥រោច ខែពិសាខ ឆ្នាំខាល ចត្វាស័ក ព.ស ២៥៦៦ ត្រូវនឹងថ្ងៃទី ២០ ខែឧសភា ឆ្នាំ២០២២ ឯកឧត្តមកិត្តិនីតិកោសលបណ្ឌិត ស៊ឹម កា អនុប្រធានទី១ នៃព្រឹទ្ធសភា និងលោកជំទាវ បានអញ្ជើញជាអធីបតីក្នុងពិធីរំលឹកទិវាជាតិនៃការចងចាំថ្ងៃទី២០ ឧសភា ជាថ្ងៃដែលប្រជាជនកម្ពុជាគ្រប់រូបចងចាំមិនអាចបំភ្លេចបានក្នុងរបបកម្ពុជាប្រជាធិតេយ្យ ឬហៅថារបបប្រល័យពូជសាសន៍ប៉ុល ពត(១៧ មេសា ១៩៧៥-៦ មករា ១៩៧៩)ដែលជារបបដ៏ឃោរឃៅ និងខ្មៅងងឹត ហើយពួកវាបានធ្វើទារុណកម្មលើប្រជាជនកម្ពុជា។ទិវានេះ ជាការរំលឹកដល់វិញ្ញាណ្ខន្ធដល់ជនរងគ្រោះជាងបីលាននាក់ដែលបានស្លាប់បាយ់បង់ជីវិតនៅក្នុងរបបប្រល័យពូជសាសន៍ប៉ុល ពត កម្មវិធីនេះប្រារព្ធនៅក្នុងភូមិរលួស សង្កាត់ជើងឯក ខណ្ឌដង្កោ រាជធានីភ្នំពេញ៕
