នារសៀលថ្ងៃទី២០ ខែឧសភា ឆ្នាំ២០២២ ឯកឧត្តម ម៉ម ប៊ុននាង ប្រធានគណៈកម្មការទី១០ និងជាអ្នកនាំពាក្យព្រឹទ្ធសភា បានអញ្ជើញចុះជួបសំណេះសំណាលការងារជាមួយក្រុមប្រឹក្សាឃុំគោកត្រប់ រួមជាមួយប្រជាការពារភូមិ ឃុំ ដឹកនាំដោយលោក គង់ បឿន ប្រធានក្រុមប្រឹក្សាឃុំ ដើម្បីឈ្វេងយល់អំពីការត្រៀមលក្ខណៈសម្បត្តិក្នុងការថែរក្សាសន្តិសុខ សុវត្ថិភាព និងរបៀបរៀបរយសាធារណៈជូនប្រជាពលរដ្ឋ ក្នុងរយៈពេលនៃការឃោសនាបោះឆ្នោត និងការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នាពេលខាងមុខ ស្ថិតនៅសាលាឃុំត្រគោកត្រប់ ស្រុកកណ្តាលស្ទឹង ខេត្តកណ្តាល។
នាឱកាសនោះផងដែរ ឯកឧត្តមប្រធាន បានឧបត្ថម្ភថវិកាជូនដល់ក្រុមប្រឹក្សាឃុំចំនួន ៧០,៦៨០,០០០រៀល សម្រាប់បម្រើឱ្យការអភិវឌ្ឍភូមិ ឃុំ និងរៀបចំអាហារការងារដល់អាជ្ញាធរមូលដ្ឋាន ពិសេសបងប្អូនប្រជាការពារ ដែលតែងតែយកកម្លាំងកាយចិត្ត និងពេលវេលា ថែរក្សាសុខសុវត្ថិភាព និងសណ្តាប់ធ្នាក់សាធារណៈជូនប្រជាពលរដ្ឋ និងឧបត្ថម្ភដល់អាជ្ញាធរស្រុកកណ្តាលស្ទឹង ថវិកាចំនួន ២៦,២០០,០០០រៀល ដែលចំណាយថវិកាសរុបចំនួន ៩៦,៨៨០,០០០រៀល (កៅសិបប្រាំមួយលាន ប្រាំបីសែន ប្រាំបីម៉ឺនរៀល)។
