នាព្រឹកថ្ងៃទី30 ខែកក្កដា ឆ្នាំ2022 លោកជំទាវ ឃួន ឃុនឌី សមាជិកាគណៈកម្មការទី5 ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី8 និងលោកឧកញ៉ា គុយ លាងគី បានអញ្ជើញជាអធិបតីភាពក្នុងពិធីសំណេះសំណាល និងដាំកូនឈើចំនួន500ដើម ក្នុងនោះរួមមាន កូនឈើគគី កូនឈើធ្នុង កូនឈើបេង និងកូនឈើនាងនួន ដោយមានការអញ្ជើញចូលរួមពីលោក លោកស្រីអភិបាល នៃគណៈអភិបាលរងស្រុក លោកមេឃុំ ក្រុមប្រឹក្សាឃុំ មេភូមិ អនុភូមិ និងសមាជិកភូមិ ព្រមទាំងមានការចូលរួមពីប្រជាពលរដ្ឋមួយចំនួន។ នៅក្នុងកម្មវិធីនោះផងដែរលោកជំទាវ និងលោកឧកញ៉ាបានប្រគេនបច្ច័យមួយចំនួនដល់ព្រះគ្រូចៅអធិកាវត្តសម្រាប់ទុកកសាង និងជូនក្រមារដល់លោកយាយ លោកតា និងថវិកាមួយចំនួនដល់ប្រជាការពារ ស្ថិតនៅវត្តឥន្ទកុមារ ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ។
