នាព្រឹកថ្ងៃទី២២ ខែសីហា ឆ្នាំ២០២២ អគ្គលេខាធិការដ្ឋានព្រឹទ្ធសភា (អ.ពស) បើកវគ្គបណ្តុះបណ្តាលស្តីពី ការគ្រប់គ្រងធនធានមនុស្ស សម្រាប់ថ្នាក់ដឹកនាំអង្គភាពចាប់ពីអនុប្រធាននាយកដ្ឋានឡើងចំនួន ១១៣នាក់ នៅសាលសិក្ខាសាលាបណ្ណាល័យ វិមានព្រឹទ្ធសភា។ វគ្គបណ្តុះបណ្តាលនេះប្រព្រឹត្តទៅក្រោមអធិបតីភាពឯកឧត្តម អ៊ុ សារឹទ្ធ អគ្គលេខាធិការព្រឹទ្ធសភា ដែលត្រូវសិក្សារៀងរាល់ព្រឹក ពីថ្ងៃទី២២ ដល់ថ្ងៃទី២៦ ខែសីហា ឆ្នាំ២០២២។ វគ្គបណ្តុះបណ្តាលស្តីពី ការគ្រប់គ្រងធនធានមនុស្ស ផ្តោតលើប្រធានបទសំខាន់ៗចំនួន ០៨ រួមមាន៖ ១.ការគ្រប់គ្រងធនធានមនុស្សជាគន្លឹះឆ្ពោះទៅកាន់ជោគជ័យ ២.ការធ្វើផែនការធនធានមនុស្ស ៣.ការជ្រើរើសមនុស្សប្រកបដោយប្រសិទ្ធភាព ៤.ការលើកកម្ពស់សម្ថភាពធនធានមនុស្ស ៥.ប្រសិទ្ធភាពនៃការបំពេញការងាររបស់បុគ្គលិក ៦.ការលើកទឹកចិត្តបុគ្គលិក (ប្រាក់កម្រៃ ការលើលទឹកចិត្ត និងអត្ថប្រយោជន៍) ៧.ទំនាក់ទនងការងាររវាងស្ថាប័ន និងបុគ្គលិក ៨.ធានាបរិស្ថានការងាប្រកបដោយសុវត្ថិភាព សុខុមាលភាព និងសុខភាព
ប្រភព៖នាយកដ្ឋានព័ត៌មាន
