លោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការ បានបន្តជួបសំណេះសំណាលសាកសួរសុខទុក្ខ និងពិភាក្សាការងារជាមួយក្រុមប្រឹក្សាឃុំភ្នំដិន
នាថ្ងៃដដែលវេលាម៉ោង១១:០០ព្រឹក គណៈប្រតិភូគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (ហៅកាត់ថាគណៈកម្មការទី៥) ដឹកនាំដោយលោកជំទាវកិត្តិនីតិកោសលបណ្ឌិត ទី បូរ៉ាស៊ី ប្រធានគណៈកម្មការ បានបន្តជួបសំណេះសំណាលសាកសួរសុខទុក្ខ និងពិភាក្សាការងារជាមួយក្រុមប្រឹក្សាឃុំភ្នំដិន ដឹកនាំដោយ លោក ទាន សារ៉េត ប្រធានក្រុមប្រឹក្សាឃុំភ្នំដិន ស្តាប់របាយការណ៍សង្ខេបអំពីស្ថានភាពភូមិសាស្ត្រ និងគោលនយោបាយភូមិឃុំមានសុវត្ថិភាពទាំង៧ចំណុច របស់ក្រសួងមហាផ្ទៃ បញ្ហាប្រឈម និងសំណូមពរនានា ។
នៅក្នុងឱកាសនោះដែរ គណៈប្រតិភូគណៈកម្មការទី៥ ព្រឹទ្ធសភា បានឧបត្ថម្ភម៉ាស់ចំនួន១០ប្រអប់ និងថ្នាំវីតាមីនសេ(KAL-CEE ORANGE)ចំនួន១០ប្រអប់ទុកសម្រាប់ប្រើប្រាស់នៅក្នុងសាលាឃុំភ្នំដិន និងបានឧបត្ថម្ភដល់ក្រុមប្រឹក្សាឃុំភ្នំដិនចំនួន ១០នាក់ ក្នុងម្នាក់ៗទទួលបានថ្នាំវីតាមីនសេ (KAL-CEE ORANGE) ចំនួន ០១ប្រអប់ ក្រមាចំនួន ០១ និងថវិកាចំនួន៥០.០០០រៀល
(ប្រាំម៉ឺនរៀល) ស្ថិតនៅសាលាឃុំភ្នំដិន ស្រុកគិរីវង់ ខេត្តតាកែវ។
