ឯកឧត្តម លោកជំទាវ ជាសមាជិក សមាជិកព្រឹទ្ធសភា បានអញ្ជើញចូលរួមក្នុងទិវាជាតិប្រឆាំងការជួះដូរមនុស្ស ១២ ធ្នូ ឆ្នាំ២០២២ លើកទី១៦ ក្រោមប្រធានបទ “ រួមគ្នាលុបបំបាត់អំពើជួញដូរមនុស្ស ឆ្ពោះទៅសម្រេចគោលដៅអភិវឌ្ឍន៍ជាតិប្រកបដោយចីរភាព ” នារសៀលថ្ងៃទី១២ ខែធ្នូ ឆ្នាំ២០២២ នៅសាលមហោស្រពកោះពេជ្រ រាជធានីភ្នំពេញ ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង នាយករដ្ឋមន្ត្រីស្តីទី នៃព្រះរាជាណាចក្រកម្ពុជា មានប្រសាសន៍អំពាវនាវឱ្យសូមអំពាវនាវដល់ថ្នាក់ដឹកនាំ មន្ត្រីរាជការ អាជ្ញាធរគ្រប់លំដាប់ថ្នាក់ កងកម្លាំងមានសមត្ថកិច្ចគ្រប់ប្រភេទ ព្រះសង្ឃ និងមេដឹកនាំសាសនាគ្រប់និកាយ បងប្អូនជនរួមជាតិទាំងអស់ បន្តគាំទ្រ និងចូលរួមឱ្យបានផុលផុស និងខ្លាំងក្លាបន្ថែមទៀត ក្នុងការប្រយុទ្ធប្រឆាំងនឹងការជួញដូរមនុស្សគ្រប់ទម្រង់។ សមត្ថកិច្ចត្រូវបន្តផ្សព្វផ្សាយខ្លឹមសារពាក់ព័ន្ធនឹងការប្រយុទ្ធប្រឆាំងអំពើជួញដូរមនុស្ស ឱ្យបានទូលំទូលាយក្នុងគ្រប់មជ្ឈដ្ឋាន និងគ្រប់ច្រកល្ហក នៅទូទាំងព្រះរាជាណាចក្រកម្ពុជា។ ជាពិសេស បន្តសហការណ៍ឱ្យបានល្អ និងមានប្រសិទ្ធភាពជាមួយកម្លាំងសមត្ថកិច្ច ពាក់ព័ន្ធក្នុងការប្រយុទ្ធប្រឆាំងការជួញដូរមនុស្ស។ បន្តលើកទឹកចិត្តលើគ្រប់វិស័យពាក់ព័ន្ធជាតិ និងអន្តរជាតិ សូមបន្តរិះរក
នូវវិធានការជាគន្លឺះនានា ដើម្បីបន្តរួមសហការគ្នាជាធ្លុងមួយ ធ្វើសកម្មភាពឲ្យកាន់តែខ្លាំងក្លាក្នុងការបង្ការបង្ក្រាប ផ្តន្ទាទោស សង្គ្រោះ ការពារ ដើម្បីព្រះរាជាណាចក្រកម្ពុជា គ្មានអំពើជួញដូរមនុស្ស ទាំងអស់នេះហើយ គឺជាការរួមចំណែកដ៏ធំធេងក្នុងការ ការពារសុខសន្តិភាព ស្ថិររភាពជាតិ ដើម្បីជាមូលដ្ឋានគ្រឹះ នៃការអភិវឌ្ឍជាតិ លើគ្រប់វិស័យ។ មានការចូលរួពីថ្នាក់ដឹកនាំរាជរដ្ឋាភិបាល សមាជិក សមាជិកាព្រឹទ្ធសភា រដ្ឋសភា កងកម្លាំងប្រដាប់អាវុធគ្រប់ប្រភេទ អាជ្ញាធរថ្នាក់ក្រោមជាតិ ឯកអគ្គរាជទួត ឯកអគ្គរដ្ឋទូត ស្ថានតំណាងអង្គការសហប្រជាជាតិ អង្គការជាដៃគូជាតិអន្តរជាតិ អង្គការសង្គមស៊ីវិលតំណាងគ្រប់និកាយសាសនា សាស្ត្រាចារ្យសិស្ស និស្សិត បញ្ញាវ័ន្ត វិស័យឯកជន ប្រមាណ៣.០០០អង្គ/នាក់។