នាពេលព្រឹក ថ្ងៃទី១ ខែមីនា ឆ្នាំ២០២៣ ឯកឧត្តម ណាំ ទុំ សមាជិកក្រុមសមាជិកព្រឹទ្ធសភាប្រចាំភូមិភាគទី៤ និងឯកឧត្តម អ៊ុក គង់ សមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចូលរួមជាកិត្តិយសក្នុងពិធីចែកសញ្ញាប័ត្រដល់ជ័យលាភី នៃសាកលវិទ្យល័យ CUS សាខាខេត្តបាត់ដំបង និងខេត្តបន្ទាយមានជ័យ ដែលមាននិស្សិតចូលរួមប្រមាណជាង២ពាន់អង្គ/នាក់ និងនៅពេលរសៀលថ្ងៃខែឆ្នាំដដែរ ឯកឧត្តម បានបន្តចូលរួមពិធីសម្ពោធដាក់អោយប្រើប្រាស់នៅសាលាបឋមសិក្សានិតព្រិល នូវអគារមួយខ្នងមាន២ជាន់ ១២បន្ទប់ ស្ថិតនៅភូមិឃុំស្នឹង ស្រុកបាណន់ ខេត្តបាត់ដំបង ស្ថិតក្រោមអធិបតីភាពដ៏ខ្ពង់ខ្ពស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដោយមានអ្នកចូលរួមប្រមាណ ២ពាន់ អង្គ/នាក់។