លោកជំទាវ ចឹក ហេង បានចុះសំណេះសំណាល និងសួរសុខទុក្ខក្រុមប្រឹក្សាឃុំ ប៉ូលីសប៉ុស្តិ៍ និងស្មៀននៅសាលាឃុំរីករាយ ខេត្តព្រះវិហារ
ព្រឹកថ្ងៃទី២១ ខែមិនា ឆ្នាំ២០២៣ លោកជំទាវ ចឹក ហេង សមាជិកាព្រឹទ្ធសភាប្រចាំភូមិភាគទី៨ បានចុះសំណេះសំណាល និងសួរសុខទុក្ខក្រុមប្រឹក្សាឃុំ ប៉ូលីសប៉ុស្តិ៍ និងស្មៀននៅសាលាឃុំ រីករាយ ចូលរួមដំណើរមានលោក មុយ វុនអភិបាលរងស្រុក លោកស្រី នាយករងរដ្ឋបាល សាលាស្រុក ។ក្នុងពិធីសំណេះសំណាលនោះលោកជំទាវបានថ្លែងអំណរគុណចំពោះការខិតខំប្រឹងប្រែងបំពេញការងារប្រចាំថ្ងៃ និង ការផ្តាំផ្ញើសួរសុខទុក្ខរបស់សម្តេចប្រធានព្រឹទ្ធសភា ដល់លោកមេឃុំ សមាជិកក្រុមប្រឹក្សាឃុំទាំងអស់ ។ក្រោយពីបានស្តាប់របាយការណ៏លោកមេឃុំ និងមានសមាជិករួច លោកជំទាវ បានមានប្រសាសន៏សំណូមពរ អោយ ក្រុមប្រឹក្សាឃុំទាំងអស់ផ្តល់ សេវាជូនប្រជាពលរដ្ឋ អោយទាន់ពេលវេលា និងផ្សព្វផ្សាយ ស្តីពីភូមិឃុំ មានសុវត្ថិភាព អប់រំបញ្ហាសុខភាពសំរាប់ស្ត្រី និងកុមារ នាំគ្នាទទួលការចាក់វ៉ាក់សាំងកូវីដ-១៩ តាមការកំណត់របស់ ក្រសួងសុខាភិបាល ។ក្នុងពេលនោះលោកជំទាវនាំយកតេសរកមេរោគកូវីដ_១៩ជាអំណោយ របស់សម្តេចប្រធាន ចំនួន ០៣ប្រអប់ និងឧបត្ថម្ដម៉ាស់ ចំនួន ៥០០ ម៉ាស់ ប្រអប់សង្គ្រោះបឋម២ប្រអប់ ឧបត្ថម្ភថវិកាដល់អ្នកចូលរួម ចំនួន១០នាក់ ដោយម្នាក់ៗទទួលបានថវិកា២០ ០០០រៀល ស្ថិតនៅខេត្តព្រះវិហារ។
