នាព្រឹកថ្ងៃសុក្រ ទី១២ ខែឧសភា ឆ្នាំ២០២៣ ឯកឧត្តម សួន លន់ អនុប្រធានក្រុមសមាជិកព្រឹទ្ធសភាប្រចាំភូមិភាគទី៤ ឯកឧត្តម សត ណាឌី សមាជិកក្រុមសមាជិកព្រឹទ្ធសភាប្រចាំភូមិភាគទី៤ និងឯកឧត្តម ឡៅ ឆន សមាជិកក្រុមសមាជិកព្រឹទ្ធសភាប្រចាំភូមិភាគទី៤ បានអញ្ជើញចូលរួមគោរពវិញ្ញាណក្ខន្ធសព ឯកឧត្តម ធា សុីវត្ថា សមាជិកក្រុមប្រឹក្សាខេត្តសៀមរាប ដែល បានទទួលមរណភាពកាលពីថ្ងៃពុធ ៦រោច ខែពិសាខ ឆ្នាំថោះ បញ្ចស័ក ព.ស ២៥៦៧ ត្រូវនឹងថ្ងៃទី១០ ខែឧសភា ឆ្នាំ២០២៣ វេលាម៉ោង ០៧.៤៥ នាទីព្រឹក ក្នុង ជន្មាយុ ៦៥ ឆ្នាំ ដោយរោគាពាធ ។ ក្នុងឱកាសនោះ ឯកឧត្តម សួន លន់ តំណាងឱ្យក្រុមសមាជិកព្រឹទ្ធសភាប្រចាំភូមិភាគទី៤ បានជូនលិខិតរំលែកទុក្ខ និងថវិការបស់ក្រុមសមាជិកព្រឹទ្ធសភាប្រចាំភូមិភាគទី៤ ព្រមទាំងថវិកាផ្ទាល់ខ្លួន ដល់ក្រុមគ្រួសារនៃសពផងដែរ ។ ពិធីបុណ្យសពប្រព្រឹត្តទៅនៅគេហដ្ឋាន ស្ថិតនៅក្នុងសង្កាត់ស្លរក្រាម ក្រុងសៀមរាប ខេត្តសៀមរាប។