ព្រឹកថ្ងៃសុក្រ ទី០២ខែមិថុនា ឆ្នាំ២០២៣ វេលាម៉ោង៨:៣០នាទី ស្ថិតនៅវត្តបន្ទាយទូក ភូមិទ្រាស ឃុំទ្រាស ស្រុកស្វាយចេក ខេត្តបន្ទាយមានជ័យ បានរៀបចំកិច្ចប្រជុំ ស្ដីពីការជំរុញការអនុវត្តគម្រោងផលិតកម្មគ្រាប់ពូជស្រូវ នៃការនាំចេញអង្ករគុណភាពល្អនិងការបង្កើតសហគមន៍កសិកម្មក្នុងមូលដ្ឋាន ក្រោមអធិបតីភាព ឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមសមាជិកព្រឹទ្ធសភា ប្រចាំភូមិភាគទី៤ ឯកឧត្ដម ភួ ពុយ សមាជិករដ្ឋសភា អមដំណើរមានលោក ដា ទឹង ប្រធានក្រុមប្រឹក្សាស្រុក លោក លឿង សុភក្តិ អភិបាលស្រុក លោក ភិនឈួង លោក អឿនសេដ្ឋា លោកស្រី និត សោភ័ណ អភិបាលរងស្រុក លោក អាន់ អៀត សមាជិកក្រុមប្រឹក្សាស្រុក លោកមេឃុំទាំង៨ និងលោកមេភូមិទាំងអស់ ក្នុងស្រុកសរុប៦៦នាក់។ ឯកឧត្តម ភួ ពុយ បានឧបត្ថម្ភថវិកា ចំនួន២០០ដុល្លា សម្រាប់រៀបចំ ពិសារបាយសមគ្គី និងឯកឧត្តម ឈើយ ចាន់ណា ឧបត្ថម្ភអៃកូម ចំនួន០៤គ្រឿង ជូនប្រជាការពារភូមិពន្លៃចាស់ ឃុំទ្រាស់ ស្រុកស្វាយចេក ផងដែរ។