ក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញក្នុងពិធីសំណេះសំណាល និងចែកចង្រ្កានសន្សំសំចៃថាមពលចំនួន២៧៥៧ចង្រ្កាន ដល់ប្រធានក្រុមប្រឹក្សាឃុំចំនួន៨ឃុំ នៅស្រុកស៊ីធរកណ្តាល
នារសៀលថ្ងៃទី១៤ ខែមិថុនា ឆ្នាំ២០២៣ លោកជំទាវ មាន សំអាន ប្រធានក្រុមសមាជិកព្រឹទ្ធសភាប្រចាំភូមិភាគទី៦ និងជាអនុប្រធានសមាគមន៍នារីកម្ពុជាដើម្បីសន្តិភាព និងអភិវឌ្ឍន៍ រួមនឹងឯកឧត្តម ទឹម ផន សមាជិកក្រុម និងលោកជំទាវ ទេព្វ សំអូន សមាជិកាក្រុម បានអញ្ជើញក្នុងពិធីសំណេះសំណាល និងចែកចង្រ្កានសន្សំសំចៃថាមពលចំនួន២៧៥៧ចង្រ្កាន ដល់ប្រធានក្រុមប្រឹក្សាឃុំចំនួន៨ឃុំ នៅស្រុកស៊ីធរកណ្តាល និងប្រធានក្រុមប្រឹក្សាឃុំចំនួន១ឃុំ នៅស្រុកពារាំង ខេត្តព្រៃវែង សម្រាប់យកទៅចែកជូនប្រជាពលរដ្ឋនៅក្នុងស្រុកទាំងពីរ ។
ពិធីសំណេះសំណាលប្រព្រឹត្តទៅដោយមានអញ្ជើញចូលរួមពីឣាជ្ញាធរខេត្តព្រៃវែង ឣាជ្ញាធរស្រុកស៊ីធរកណ្តាល ប្រធានក្រុមប្រឹក្សាឃុំចំនួន៨ឃុំ ក្នុងស្រុកស៊ីធរកណ្តាល និងប្រធានក្រុមប្រឹក្សាឃុំចំនួន១ឃុំ ក្នុងស្រុកពារាំង ខេត្តព្រៃវែង ។
