នៅថ្ងៃពុធ ទី០៥ ខែកក្កដា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមាជិកក្រុមព្រឹទ្ធសភា ប្រចាំភូមិភាគទី៤ បានអញ្ជើញចុះជួបសំណេះសំណាលជាមួយប្រជាពលរដ្ឋចំនួនពីរភូមិ ដែលមានអ្នកចូលរួម ចំនួន៣២៥នាក់ គឺភូមិអូរក្រូច និងភូមិសន្តិភាព ឃុំ ស្រុកត្រពាំងប្រាសាទ ខេត្តឧត្តរមានជ័យ ស្ថិតក្នុងវត្តអូរក្រូច។ បន្ទាប់ពីស្តាប់របាយការណ៍របស់មេឃុំរួចមក ឯកឧត្តម បានសម្តែងការកោតសរសើរចំពោះអាជ្ញាធរមូលដ្ឋានដែលបានយកចិតទុកដាក់ក្នុងការអភិវឌ្ឍមូលដ្ឋាន ពិសេសបានដោះស្រាយបញ្ហាប្រឈមនានាទាន់ពេលវេលានិងបានជម្រាបជូន អំពីគោលនយោបាយឈ្នះ ឈ្នះ គុណតម្លៃនៃសន្តិភាព នាំឱ្យមានការអភិវឌ្ឍន៍ប្រទេសជាតិលើគ្រប់វិស័យ។ សំណូមពរសូមប្រជាពលរដ្ឋ ដែលមានឈ្មោះក្នុងបញ្ជីបោះឆ្នោត គ.ជ.ប អញ្ជើញទៅបោះឆ្នោតឱ្យបានគ្រប់គ្នាៗ នាថ្ងៃទី២៣ ខែកក្កដា ឆ្នាំ២០២៣ ដើម្បីបន្តថែរក្សាសន្តិសុខ សុវត្ថិភាព និងការអភិវឌ្ឍប្រទេសជាតិឱ្យកាន់តែសម្បូរសប្បាយរីកចម្រើនយូរអង្វែងរហូតតទៅ។