នាវេលាម៉ោង៣រសៀល ថ្ងៃទី០៨ ខែកក្កដា ឆ្នាំ២០២៣ គណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា (គណៈកម្មការទី១០) ដឹកនាំដោយឯកឧត្តម ម៉ម ប៊ុននាង ប្រធានគណៈកម្មការ រួមដំណើរជាមួយនឹងគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ ដឹកនាំដោយលោក kim Jung-Nam ប្រធានមូលនិធិ អមដំណើរដោយឯកឧត្តម ពិន ប្រាកដ អភិបាលរងខេត្តសៀមរាប អញ្ជើញទស្សនកិច្ចមន្ទីរពេទ្យគន្ធរបុប្ផា ខេត្តសៀមរាប ។ ក្នុងឱកាសនោះ គណៈកម្មការអង្កេត បោសសម្អាត និងប្រឆាំងអំពើពុករលួយនៃព្រឹទ្ធសភា និងគណៈប្រតិភូមូលនិធិចែករំលែកសង្រ្គោះជីវិតសកល នៃសាធារណរដ្ឋកូរ៉េ បានអញ្ជើញពិនិត្យមើលអគារសំខាន់ៗដូចជា៖ បន្ទប់សម្រាកព្យាបាល បន្ទប់សម្រាលបុត្រ បន្ទប់សង្រ្គោះបន្ទាន់ ព្រមទាំងបាននាំយកថវិការបស់សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ចែកជូនដល់អ្នកជំងឺ ដែលកំពុងសម្រាកព្យាបាល និងអ្នកដែលទើបសម្រាលបុត្ររួច៕
ប្រភព៖ នាយកដ្ឋានព័ត៌មាន
