ឯកឧត្តម ឡៅ ឆន ជាសមជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ព្រមទាំងកូន ចៅ បានអញ្ជើញចូលរួមពិធីបុណ្យចូលព្រះវស្សានៅវត្តឥន្ទ្រាសុខារាម ហៅវត្តគោកប៉ាទ្រី ខេត្តសៀមរាប និងបាននាំយកនូវទេយ្យវត្ដុ
នៅថ្ងៃពុធ ទី០២ ខែសីហា ឆ្នាំ២០២៣ ឯកឧត្តម ឡៅ ឆន សមាជិកគណៈកម្មការទី៧ ព្រឹទ្ធសភា និងជាសមជិកក្រុមសមាជិកព្រឹទ្ធសភា ប្រចាំភូមិភាគទី៤ និងលោកជំទាវ ព្រមទាំងកូន ចៅ បានអញ្ជើញចូលរួមពិធីបុណ្យចូលព្រះវស្សានៅវត្តឥន្ទ្រាសុខារាម ហៅវត្តគោកប៉ាទ្រី ស្តិតក្នុងសង្កាត់សៀមរាប ក្រុងសៀមរាប ខេត្តសៀមរាប និងបាននាំយកនូវទេយ្យវត្ដុ មានអង្ករ ១ ការ៉ុង ៥០គ.ក្រ ទឹកសុទ្ធ ២កេះ ទឹកត្រី ១យួរ ទឹកស៊ីអ៊ីវ ១យួរ និងភេសជ្ជៈមួយចំនួន ព្រមទាំងថវិកា ៦០០ (ប្រាំមួយរយ) ដុល្លារអាមេរិក និង ២០០.០០០រៀល វេរប្រគេនព្រះចៅអធិការវត្តសម្រាប់ទុកផ្គត់ផ្គង់ចង្ហាន់ប្រចាំថ្ងៃ និងកសាងសម្មិទ្ធិក្នុងទីអារាម ដើម្បីឧទិ្ទសកុសលផលបុណ្យនេះ ជូនដល់បុព្វការីជន មានមាតាបិតា ជីដូន ជីតា និងញាតិមិត្តជិតឆ្ងាយ ពិសេសដល់អស់លោក លោកស្រី អ្នកស្នេហាជាតិទាំងអស់ ដែលបានពលីជីវិតក្នុងបុព្វហេតុការពាទឹកដី និងការពារសន្តិភាព សូមបានទៅសោយសុខនៅឋានសុគតិភពកុំបីឃ្លាងឃ្លាតឡើយ។
