នៅព្រឹកថ្ងៃព្រហស្សតិ៍ ទី១៧ ខែតុលា ឆ្នាំ២០២៤ ឯកឧត្ដម អន ស៊ុំ សមាជិកក្រុមសមាជិកព្រឹទ្ធសភា ប្រចាំភូមិភាគទី៤ និង ឯកឧត្ដម ឈើយ ចាន់ណា លេខាធិការគណៈកម្មការទី៧ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី៤ រួមជាមួយ ឯកឧត្ដម ប្លែក វារី ប្រធានក្រុមប្រឹក្សាខេត្ត បានអញ្ជើញចូលរួមពិធីគោរពវិញ្ញានខន្ធសពឧបាសិកា នូ ម៉ាឡា ត្រូវជាម្ដាយបង្កើតរបស់ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យ បានទទួលមរណភាពកាលពីថ្ងៃពុធ ១៤កើត ខែអស្សុជ ឆ្នាំរោង ឆស័ក ព.ស.២៥៦៨ គ.ស២០២៤ ត្រូវនឹងថ្ងៃទី១៦ ខែតុលា ឆ្នាំ២០២៤ វេលាម៉ោង១:១១នាទី រំលងអាធ្រាត្រ ក្នុងជន្មាយុ ៨៧ឆ្នាំ ដោយជរាពាធ។ ក្នុងកម្មវិធីនេះផងដែរ មានការអញ្ជើញចូលរួមពី ឯកឧត្ដម សុខ លូ អភិបាលខេត្តបាត់ដំបង និងសហការី ឯកឧត្ដម លោកជំទាវ សមាជិក សមាជិកាក្រុមប្រឹក្សាខេត្ត លោក លោកស្រី ប្រធានមន្ទីរអង្គភាព មន្រ្តីរាជការ កងកំលាំងប្រដាប់អាវុធយ៉ាងច្រើនកុះករ។ ពិធីនេះប្រារព្វធ្វើនៅគេហដ្ឋាន នៃសពស្ថិតនៅភូមិនាងកេត ឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។
