ឯកឧត្តម គឹម ធា ជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានមូលមតិគ្នាដង្ហែរអង្គកឋិនទានមហាសាមគ្គី ចូលកាន់វត្តតាស្អាង ឃុំកំពង់ចម្លង ស្រុកស្វាយជ្រំ
ថ្ងៃអាទិត្យ ១០កើត ខែកត្តិក ឆ្នាំរោង ឆស័ក ព.ស. ២៥៦៨ ត្រូវនឹងថ្ងៃទី១០ ខែវិច្ឆិកា ឆ្នាំ២០២៤ ឯកឧត្តម គឹម ធា លេខាធិការគណៈកម្មការទី៦ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៦ បានអញ្ជើញចូលរួមជាមួយឯកឧត្តម លោកជំទាវ អស់លោក លោកស្រី ពុទ្ធបរិស័ទដែលអញ្ជើញពីភ្នំពេញ និងលោកស្រីមេឃុំ សមាជិក សមាជិកាក្រុមប្រឹក្សាឃុំកំពង់ចម្លង ស្រុកស្វាយជ្រំ ខេត្តស្វាយរៀង ពុទ្ធិបរិស័ទពីទីឆ្ងាយ នឹងចំណុះជើងវត្តតាស្អាង ឃុំកំពង់ចម្លង បានមូលមតិគ្នាដង្ហែរអង្គកឋិនទានមហាសាមគ្គី ចូលកាន់វត្តតាស្អាង ឃុំកំពង់ចម្លង ស្រុកស្វាយជ្រំ ដើម្បីវេប្រគេនព្រះសង្ឃគង់ចាំព្រះវស្សាអស់កាលត្រីមាស។ ក្នុងឱកាសបុណ្យកឋិនទានបានរៀបចំតាមបែបបទព្រះពទ្ធិសាសនា និងបានបច្ច័យសង្កត់ត្រៃយ៍ចំនួន៤០លានរៀល។
