ថ្ងៃអាទិត្យ ទី១៧ ខែវិច្ឆិកា ឆ្នាំ២០២៤ វេលាម៉ោង៨ព្រឹក ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា និងលោកជំទាវ អមដំណេីរដោយឯកឧត្តមប្រធានក្រុមការងាររាជរដ្ឋាភិបាលចុះមូលដ្ឋានស្រុកស្ទឹងហាវ សហការី អាជ្ញាធរដែនដី បានអញ្ជេីញបេីកការដ្ឋានជួសជុលផ្លូវក្រាលគ្រួសក្រហមក្នុងភូមិឫទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ ចំនួនពីរខ្សែគឺ ផ្លូវ ហ៊ុន សែនថ្មរាងប្រវែង ៧២០ម៉ែត្រ និងផ្លូវចូលភូមិឫទ្ធី១ប្រវែង២២០ម៉ែត្រ សរុបចំនួន៩៤០ម៉ែត្រ ។ ឯកឧត្តមបណ្ឌិតប្រធានគណៈកម្មការទី៣បានបន្តដំណើរមកជួបសំណេះសំណាលជាមួយសិស្សានុសិស្ស វិទ្យាល័យ ហ៊ុន សែន កែវផុស ដែលបានប្រឡងជាប់មធ្យមសិក្សាទុតិយភូមិ និទ្ទេស A B C D និងEចំនួន២៥នាក់ ព្រមទាំងបានជូនរង្វាន់លេីកទឹកចិត្តដល់ជ័យលាភីទាំងអស់គ្នាផងដែរ។ កម្មវិធីខាងលេីមានការអញ្ជេីញចូលរួមពីប្រជាពលរដ្ឋ លោកគ្រូ អ្នកគ្រូ មាតាបិតាសិស្ស និងសិស្សានុសិស្ស។
